بریندارێن پەقینا ئامەدێ ژی چوونە سەر سندوقێن دەنگدانێ
ئەڤرۆ نیۆز، هۆشەنگ تاجر:
مەم میرخان نڤیسەر و رەوشەنبیرێ کورد ل باژارێ ئامەدێ بۆ ئەڤرۆ نیۆز دیار کر کو رێژا پشکداریا کوردان د ڤێ هەلبژارتنێ دا ل گۆر یێن بۆری گەلەک زێدەترە و گۆت: (ئێک ژ خالێن کو بوویە جهێ سەرەنجا رایا گشتی یا تورکیا و جیهانێ پرانیا بریندارێن پەقینا ئامەدێ کو مافێ وان یێ دەنگدانێ هەبوو ب برینداری هاتنە سەر سندوقێ دەنگدانێ و دەنگێ خوە دان و ئەوە ژی نیشا ددەت کو کورد ب گرنگی بەرێ خوە ددەنە ڤێ هەلبژارتنێ).
ل ئالیێ دی سەرۆک وەزیرێن تورکیا ئەحمەد داوود ئوگلۆ ژی پشتی کو دەنگێ خوە دایی بۆ دەزگەهێن راگەهاندنێ دیار کر کو گونەهبارەکی پەقینا ئامەدێ هاتیە دەستەسەر کرن و دێ پشتی ڤەکۆلیێن بەرفرەه گەلەک تشت بۆ رایا گشتی یا تورکیا هێنە ئاشکرا کرن.
