بزانە ئیرانێ سالا بۆری چەند کورد ل سێدارە داینە
ئەڤرۆ نیوز، هۆشەنگ تاجر:
ئومێد وەحیدی ئەندامێ رێکخراوا مافێ مرۆڤان یا رۆژهەلاتێ کوردستانێ بۆ ئەڤرۆ نیوز دیار کر کو سالا بۆری ب گشتی ل ئیرانێ ٢٧٣ کەس ب تومەتێن جودا جودا هاتینە سێدارەدان و ٧٠ ژ وان کەسان کورد بووینە و پرانیا کەسێن کو هاتینە سێدارە دان ژی بەر چالاکیێن سیاسی و مەدەنی بووینە و گۆت: (هەرچەندە ل گۆر سالا ٢٠١٧ رێژا سێدارە دانێ ل ئیرانێ کێمتر بوویە لێ رێژا سێدارەدانا لاوێن کورد زێدەتر بوویە کو دبیتە ٢٥% و ئەو یەک ژی نیشا ددەت کو مەترسی ل سەر لاوێن کورد ل ئیرانێ رۆژ ب رۆژێ زێدەتر لێ دهێت).
ناڤهاتی ئەو یەک ژی دیار کر کو مەترسیا سێدارەدانێ ل سەر ب دەهان چالاکڤانێن سیاسی و مەدەنی یێن کورد ل زیندانێن ئیرانێ هەیە.
