بزانە پرا دەلال ل کیژان باژێرێ پارێزگەھا ھەولێرێ ھاتیە چێکرن
ئەڤرۆ نیوز ، نەوزاد ھلۆری:
ھونەرمەندەکێ شێوەکارێ ناحیا خەلیفان یا سەر ب قەزا سوران بناڤێ ” ئومێد رەشید ” وەکو رێزگرتن بو پرا دیروکی یا باژێرێ زاخۆ ، دیزانیەکا جوان و رێک و پێک بۆ پرا بەری یا دەلال ل زاخۆ درۆستکریە و ل بەرە ژ ئێک ژ ستراتیجیترین جھێ ناحیا خەلیفان بدانیت.
دڤی واریدا ھونەرمەند”ئومێد رەشید ” بۆ ئەڤرۆ نیوز گۆت: (ھەر ژ ژ زاروکینی کارێ من چێکرنا دیزاینێن ئاڤاھی و جھێن شینواری یە ب رەنگێ کارێن دەستی ، و نھا وەکو رێزگرتن بو دیروکا پرا بەری ل زاخۆ کو ب پرا دەلال دھێتە نیاسین من پرا دەلال درۆستکریە و من ل بەرە ئەڤێ پرێ ل ئێک ژ ستراتیجیترین جھێن ناحیا خەلیفان بدانم)
زێدەتر گۆت: (زێدەباری چێکرنا پرا دەلال گوندەکێ دیروکیێ دەڤەرا گەرمیان و پەرلەمانێ کوردستانێ و ئارمێ ھەموو پارت و لایەنێن سیاسی ب مەرەما پێکڤە ژانا ئولی و نەتەوەیی درۆستکریە و ئومێدا من ژی ئەوە کو کوردستان ھەموو ببیتە ئێک دەست و پێکڤە بو کوردستانەکا سەربخو کار بکەن)
ناڤبری گلەیی یا وێ یەکێ کر کو ھەتا نھا لایەنێن شولەژێ چوو گرنگی ب کارێن وی نەدایە و وەکو پێدڤی ھەڤکاریا وی نەکریە و زێدەتر گۆت: (ھەکە ھەڤکاریا من بھێتەکرن دکارم کار و دیزاینێن ھەری زوان بو دیروک و شارستانی و جھێن شینواری و گوزاریێن گرنگێن کوردستانێ بکەم و ل جھێن بەرچاو بدانم داکو ھەند دەڤەر جوان ببیت ھەند ژی ببیتە ھێمایەکێ جوان بو جیلێ نو)
ژلایەکێ دنڤە ھەژار ئیدلیبی سەروکێ رێکخراوا وار بو پاراستنا ژینگەھێ ل قەزا سوران زێدەباری دەستخوشیکرن ل ھونەرمەندێ ناڤبری بو ئەڤرۆ نیوز گۆت ژی: (وەکو رێزگرتن بو کار و خەباتا ئومێد رەشید کو ئێکە ژ ھونەرمەندێن شێوەکارێن دەڤەرا خەلیفان مە ژ نێزیکی سەرەدانا مالا وی کری و خەلاتەکێ رێزگرتنێ پێشکێشی وی کر و دخوازین کو ئەو ژی بەردەوام بیت و دیسان دخوازین کو جھێن شولەژێ ژی ھەڤکاریا وی بکەن داکو ئەو ژی بکاریت پتر خزمەتا گەل و وەلاتێ خوە بکەت)
