بزاڤا بازرگانی ئەڤ سالە ل دھۆکێ باشتر لێ ھاتیە
دھۆک، لەزگین جۆقی:
سەرۆکێ ژوورا بازرگانی و پیشەسازی ل پارێزگەھا دھۆکێ دیار کر، رەوشا بازرگانی ئەڤ سالە ژ سالا بۆری باشتر لێھاتیە و دبێژیت: نوکە بزاڤەکا خۆرت یا بازرگانی د دھۆکێ دا دھێتە ئەنجامدان، دیسا ئەڤ سالە حوکمەتا ھەرێما کوردستانێ ئاسانکاریێن باش بۆ ئەنجامدانا کارێ بارزگانی کرینە و ئەڤە بوویە ئەگەر رەوشا بازرگانی باشتر لێبھێت.
ئەیاد حەسەن، سەرۆکێ ژوورا بازرگانی و پیشەسازی ل پارێزگەھا دھۆکێ بۆ ئەڤرۆ ئاشکرا کر، پرۆگرام و بەرنامێ حوکمەتا ھەرێما کوردستانێ گەلەک پشتەڤانیا کەرتێ تایبەت دکەت و گۆت: “گەلەک ئاسانکاری بۆ بازرگانان ھاتینە کرن، ئەڤە ژی بووینە ئەگەر ئەڤ سالە بزاڤا بازرگانی خۆرت بیت، ھەروەسا بێ بھابوونا دینارێ عیراقی ژی بوویە ئەگەر بۆ خۆرتبوونا بزاڤا بازرگانی، ژبەرکو بازرگان کەرەستان ب دۆلاری دئینن و ب دیناری دفرۆشن و رەوشا بازرگانی رۆژ بۆ رۆژێ یا بەرەڤ باشبوونێ ڤە دچیت”.
