بزاڤێن باشكرنا ره‌وشا داراییا یانا زاخۆ دهێته كرن
ئه‌ڤرۆ، عه‌لی حاجی:
ژێده‌ره‌كێ تایبه‌ت بۆ رۆژناما ئه‌ڤرۆ دیاركر چه‌ند كومبوون د ناڤبه‌را سه‌رپه‌رشتێ ئیدارا سه‌ربه‌خۆیا زاخۆ و رێڤه‌به‌رێ گۆمركا ئیبراهیم خه‌لیل و سه‌رۆكێ یانا زاخۆ هاتینه كرن ژبۆ باشكرنا ره‌وشا دارایی یا یانێ و باشترین به‌رهه‌ڤی بۆ چالاكیێن وه‌رزشی.
هه‌مان ژێده‌ری دیاركر یانا زاخۆ پشت به‌ستنێ ب داهاتیێ خوه دكه‌ت و ئیدی ره‌وشا دارایی دێ به‌ره ب باشتر چیت ژوانا بووجه‌یه‌ك ژ ده‌روازه‌یا نێڤده‌وله‌تی یا ئیبراهیم خه‌لیل و ژ هنده‌ك جهێن دیتر راسته‌وخۆ بۆ یانێ بهێنه دابینكرن و ئه‌و داهاتی بۆ یانێ چێگیر بیت، له‌ورا بۆ ڤێ چهئینانا ڤێ پێنگاڤێ چه‌ند كۆمبوون هاتینه كرن و پشتی بگه‌هنه چه‌ند ئه‌نجامان دێ ده‌نگۆباسێن دلخوه‌شكه‌ر هه‌بن بۆ یانێ و جه‌ماوه‌رێ زاخۆ كو دێ كارتیكرنا ئه‌رێنی ل سه‌ر ره‌وشا دارایی یا نێ هه‌بیت و پرانیا ئاریشه‌یان هێنه چاره‌سه‌ركرن، پێنه‌ڤێت ئه‌ڤ هه‌موو بزاڤا ب پشته‌ڤانیا حوكمه‌تا هه‌رێما كوردستانێ هاتیه و ئیدی زاخۆ دێ به‌ره ب ڤه‌ژه‌نه‌كا دیتر ڤه چیت.
لدووماهیێ ئه‌و ژێده‌رێ بۆ رۆژنامێ دیاركر ده‌مه‌كێ نێزك دا دێ ده‌رئه‌نجامێ كۆمبوون و گه‌نگه‌شیێن وان دیاربن و سه‌رپه‌رشتێ ئیدارا زاخۆ هه‌موو ده‌ما ل سه‌ر هێله بۆ ڤی بابه‌تی و بزاڤێن مه‌زن كرینه ژبۆ باشترین ئه‌نجام كو یانا زاخۆ داهاتیه‌كێ باش یێ دارایی هه‌بیت و نه كه‌ڤیته د چو ئاریشان دا.
