بزاڤێ دكەت تشتێ نوو بینتە د هەبوونێ دا
عەزیز هەورامی:
مەدیاكار (ئیمداد عەبدوللا) د دیدارەكێ دا بۆ رۆژناما ئەڤرۆ گۆت: ل سالا 2009 ئەز هاتیمە دناڤ بۆارێ راگەهاندنێ دا و دەستپێكا من ئەز پەیامنێرێ سەتەلایتا جەماوەربووم ل هەلەبجە، ل 2015 ژبەر قەیرانا دارایی بۆ دەمەكی ئەو كەنال راوەستیا، ل 2021 ئەز چوومە مەودا مەدیا و نوكە ژی ل وی مالپەری یا بەردەوامم.
هەروەسا گۆت: خەونا من بوو ل كەنالەكێ راگەهاندنێ كاربكەم و پشتی ئەز چوویمە دناڤ دا ئێدی من هەموو شیانێن خوە مەزاختن كو داهێنانێ بكەم و رۆژ بۆ رۆژێ تشتێ نوو بینمە د هەبوونێ دا، چنكو راگەهاندن پرەكە دناڤبەرا خەلكی و دەستهەلاتێ دا، لەورا یا پێدڤیە مەدیاكار هەر روودانەكێ وەكی وێ بەلاڤ كەت و نابیت دەستكاری تێدا بهێتە كرن، لێ مخابن سۆشیالێ كارتێكرنا خوە هەیە و گەلەك راستی ڤەشارتینە.
