بزاڤێ دكەت تشتێ نوو وێنە بکەت
سندس سالح سلێڤانەیی:
وێنەگر (كۆڤان رەمەزان ئەمین) كو خەلكێ پارێزگەها دهۆكێ یە، د دیدارەكێ دا بۆ رۆژنامەیا ئەڤرۆ دیاركر كو ئەڤە یازدە سالن ئەو وەك وێنەگر كاردكەت، ل دەستپێكێ چار سالان وێنەیێن فۆتۆگراف دگرتن، لێ ئەڤە حەفت سالن وەك وێنەگرێ ڤیدیۆیێ كاردكەت و كارێ خوە یێ دلخۆش و ئارامە.
هەروەسا گۆت: ئەز گەلەك حەزژ كارێ خوە دكەم و هەردەم بزاڤێ دكەم ڤیدیۆیێن باش چێكەم، ب تایبەت بۆ (بووك و زاڤا) چنكو رۆژا شەهیانا هەر كەسەكی یان كەسەكێ بۆ وی گەلەكا گرنگە و دێ وەك بیرهاتن مینیت، لەورا دڤێت ڤیدۆیێن باش و سەرنجڕاكێش بۆ بهێنە چێكرن دا هەردەم ل بیرا وان بن، بۆ زانین من ل گەل جهان كاركریە، لێ نوكە من جهێ خوە یێ تایبەت هەی و بەردەوام بزاڤێ دكەم تشتێ نوو بیمنە د هەبوونێ دا.
