بزاڤێ بکە گومانێ ل دەڤ زەلامێ خوە نەھێلە
ئه‌ڤرۆ نيوز:
ژنەکا 27 سالی دلێ خوە بۆ ئەڤرۆ ڤەدکەت و دبێژیت: ئەڤە 3 سالە من شووکری و دو زارۆ مە ھەنە من و ھەڤژینێ خو ب عەشق و ئەڤینی خێزان پێک ئینایە و ئەو خودان کارە، ھەرچەندە ب دلێ دایک و بابێ من و مالباتا مە نەبوو، کو ئەز شوو پێ بکەم چونکی وان دووڤچون کر بوو، دزانی نە ژ مالەکا باشە و یێ بێ رێز بو. بەلێ من ئاخفتنا خوە ل سەر یا وان ئێخست و ب گەفێن کو ھەکە ھوون من نەدەنێ دێ خوە کوژم یان سوژم و جاران من ئەو بزاڤ ژی دکر، لەورا بابێ من نەچار بو بو ئەز دامێ، لێ نھا ئاریشا من ئەوە زەلامێ من یێ بو من باش نینە و باوەری بمن ناھێت حەتا سەح دکەتە تێلەفونا من کا کێ پەیوەندی بمن کریە ، ھەروەسا سەرا ئاریشێن بچووک من دقوتیت و ب قاویشێ و چەندین جارا ئەز چویمە مالا بابێ خوە وان لێ ھاتیە ب دووڤ منرا و ھیڤی ژ من کرینە کو بزڤرم مال، ئەز ژی رازی بوم کو بزڤرم ژبەر زارۆیێن خوە، ب راستی بابێ من کەسەکێ گەلەک باشە و بەرەڤانی ژ من کریە بەس مخابن زەلامێ من ھەر پاشخوڤە ناچیت و جاران بزاڤا خوە کوشتنێ دکەم و جاران ژی ھزرا بەردانێ لێ دمینمە راوەستیایی ژبەرکو دل نادەم ژبەر زارۆیان خوە بکوژم دبێژم دێ ئەو میننە بێ خۆدان و رەزیل بن، ھەروەسا نەشێم خوە تەلاق ژی بدەم ژبەر بابێ خوە چونکی نەشێم رویێ خوە ل بەرامبەر بابێ خوە ببینم راستی من چ خوشی نینن، ئەڤجا ھیڤیە ھوون بێژنە من کا ئەز چ بکەم چونکی من ب دەستێن خوە ئاگر بەردایە دەمانا خوە؟!
خووشکا ھێژا:
پشتی مە چیروکا تە خواندی بو مە دیار بو کو تە خەلەتیەک د ژیانا خوە دا کریە ئەو ژی نەگوھدانا دایک و بابا، سەرەرای کو نەگوھداریا دایک و بابا گەلەک خرابیا خوە ھەیە، لەوا ھیڤی دکەم چ کچ ئەڤێ نەکەن یا تە کری, تو ھەولبدە گومانێ ل دەڤ زەلامێ خوە نەھێلە و باوەریێ ل دەف پەیدابکە, دەمی سەحکەت تێلەفونا تە ب نورمال وەرگرە بیژێ ئەڤە تشتەکی باشە تو دکەی گروڤا ھندێ یە کو تو حەز ژ من دکەی, دەمێ ئەو یێ ئارام بیت ھینگێ تیبکەھینە و بێژێ ئەڤ کریارا تو دکەی ل گەل من ئەوژی قوتانە تشتەکی خەلتە دڤێت تو دەست ژ ڤێ کریارێ بەردی، ھەروەسا ھەولدە نەچە مالا بابێ خوە، چونکە تە گوھداریا وان نە کریە, یان ھەکە تو چووی نەزڤرە ھەتا مەرجێن تە بجە نەئینیت , ھەروەسا ھەولدە ھزرێن زەلامێ خوە ب گۆھورە,و بیرا وی ل بیرھاتنێن خوش بینە ئەوێن ھەوە پێکڤە بوراندین,بو دیار کە ھەکە ھوون ژێک ڤەبوون ھەردو زارۆیێن ھەوە دێ بنە قوربان.ھزرا خوە کوشتنێ نەکە چونکە خوە کوشتن چ ئاریشا چارە ناکەت و زارۆیێن تە دێ میننە بێ خودان,سەبارەت بەردانێ تشتەکی خەلەتە ھندی تو ب شیێ بەحسێ ھندێ ل دەڤ زەلامێ خوە نەکە ھەر گاڤا تە ئەڤ ئاخفتنە گۆت، ھوون دێ ل بەر ئێکدو رەش بن، ھەکە ئەڤ ھەولێن تە بێ مفا بوون ھەولدە کەسەک ژ مرۆڤێن وی کو ئەو شەرم ژێ بکەت بلا ئاریشا تە چارە کەت, ھەکە ئەڤە ژی ب مفا نەبوو تو دشیێ کێشا خوە ب بەیە ریڤەبەریا توند و تیژیێ دا بۆ ھەوە چارە بکەن بەری کیشە بچیتە دادگەھێ.
بەرسڤدان، ڤەکولەرێ جڤاکی: عەبدولجەبار عەبدولرەحمان
په‌يجێ دلێ خوه ڤه‌كه ل سه‌ر تۆڕا جڤاكيا فه‌يسبۆكى