بزاڤ بۆ ڤهگهڕاندنا پێشینهیا چاڤدێریا خێزانێ دهێنه كرن
ههولێر، قائید میرۆ:
رێڤهبهرا چاڤدێریا جڤاكی ل ئیدارهیا سهربخوه یا سۆران ئاشكرا كر، ل سهر ئاستێ وهزارهتێ كار بۆ ڤهگهڕاندنا پێشینهیا ههیڤانه یا چاڤدێریا خێزانێ دهێنه كرن و ئهگهر سهربگریت دێ بڕیارهكا باش بیت بۆ وان وهلاتیێن ههژار و پێدڤی ب ڤێ هاریكاریێ ههی.
توران خدر، رێڤهبهرا چاڤدێریا جڤاكی ل ئیدارهیا سهربخوه یا سۆران بۆ رۆژناما ئهڤرۆ دیار كر، بهری هاتنا قهیرانا دارایی و شهڕێ داعشێ ب دههان هزار كهس ل ههرێما كوردستانێ ژ وهرگرتنا پێشینهیا ههیڤانه مفاداربوون، كو 150 هزار دینارێن ئیراقی بوون و گۆت: “پشتی بڕینا بودجا ههرێما كوردستانێ و هاتنا قهیرانا دارایی ئهو پێشینه هاته راگرتن و ههتا نوكه ژی بڕیار ل سهر ڤهگهڕاندنا ئهڤێ پێشینهیێ نههاتیهدان”.
توران خدر گۆتژی: “ل سهر ئاستێ وهزارهتێ كار و كاروبارێن جڤاكی بزاڤ دهێنه كرن بۆ دوباره ڤهگهڕاندنا وێ پێشینهیا ههیڤانه، بهلێ دێ مهرج و پیڤهرێن نوو بۆ كهسێن مفادار ههبن، چونكی چهندین سال بۆرینه و پێدڤیه گوهۆڕین ل سهر مهرجێن مفاداربوون ژ وێ پێشینهیێ بهێنه كرن، ئهز باوهرم ڤهگهڕاندنا وێ دێ هاریكاریهكا گهلهك باش بیت بۆ خێزانێن ههژار و كهسێن پێدڤی، بهلێ ههتا بڕیارا دووماهیێ ل سهرۆكایهتیا جڤاتاوهزیران دهرنهكهڤیت، دیار نینه دێ مهرجێن مفاداربوونێ چاوا بن و پێشینه ژی دێ وهك خوه مینیت یان دێ هێته كێم و زێدهكرن”.
