بزاڤ دهێنه‌ كرن خوارن ل سه‌ر قوتابیان بهێته‌ به‌لاڤكرن

هه‌ولێر، قائید میرۆ:

بڕیاره‌ ئه‌ڤ ساله‌ ل عیراقێ وه‌زاره‌تا په‌روه‌ردێ ب هه‌ڤكاریا رێكخراوا یونسێف خوارنێ ل سه‌ر قوتابیان به‌لاڤ بكه‌ت بریكارێ وه‌زاره‌تا په‌روه‌ردێ ژی دبێژیت: هه‌تا نوكه‌ ئه‌و بڕیار قوتابخانێن هه‌رێما كوردستانێ ناگریت، به‌لێ بۆ هه‌ر پرسه‌كێ ئه‌م د په‌یوه‌ندیێ داینه‌ ل گه‌ل به‌غدا.

دكتۆر سه‌یوان عه‌لی، بریكارێ وه‌زاره‌تا په‌روه‌ردێ بۆ رۆژناما ئه‌ڤرۆ گۆت: “بڕیارا به‌لاڤكرنا خوارنێ ل قوتابخانان ژلایێ رێكخراوا یونسێف قوتابخانێن هه‌رێما كوردستانێ ناگریت، ئانكو ئه‌و بڕیاره‌ ب تنێ ل قوتابخانێن عیراقێ ڤه‌دگریت، به‌لێ وه‌زاره‌تا په‌روه‌ردێ یا بزاڤان دكه‌ت دگه‌ل رێكخراوا یونسێف و وه‌زاره‌تا په‌روه‌ردا عیراقێ هه‌تا خوارن ل قوتابخانێن هه‌رێما كوردستانێ ژی ل سه‌ر قوتابیان بهێته‌ به‌لاڤكرن”.

دكتۆر سه‌یوان عه‌لی گۆتژی: “هه‌ر بڕیاره‌كا ب ڤی ره‌نگی دێ پێشوازیێ لێ كه‌ین وه‌كی په‌روه‌ردا هه‌رێما كوردستانێ، به‌رده‌وام ژی وه‌زاره‌تا په‌روه‌ردێ بۆ چاره‌سه‌ركرنا هه‌ر پرسه‌كێ ل گه‌ل وه‌زاره‌تا په‌روه‌ردا عیراقێ د په‌یوه‌ندیێ دابوویه‌ و هه‌ر پرسه‌كا هه‌بیت ژی وه‌زیرێ په‌روه‌ردێ په‌یوه‌ندیێ ب به‌غدا دكه‌ت، هه‌تا قوتابیێن هه‌رێما كوردستانێ ژی مفادار بن”.

کۆمێنتا تە