بسپۆرێن تورک: تورکیا نەشێت بێی روسیا ل سووریێ بمینیت
ئەڤرۆ نیوز:
ئەنگین ئوکتەم بسپۆرێ ناڤەندا ڤەکۆلینێن ستراتیژی یا (ئانکا) ل تورکیا دیار دکەت کو هەتا نها تشتێ تورکیا ل سووریێ کری ب پشتەڤانیا روسیا بوویە و هەکە د قۆناغا نوو ل سووریێ دا پەیوەندیێن تورکیا و روسیا ئالۆز بن تورکیا نەشێت چو پێنگاڤەکێ بهاڤێژیت و یا هەتا نها ژی کری ب پشتەڤانیا روسیا بوویە.
ل ئالیێ دی میتحاد ئیشک بسپۆرێ کاروبارێن سەربازی ل تورکیا ژی دیار دکەت کو نها تورکیا خوە هندەکێ نێزیکی ئەمریکا کریە ئەو یەک ب دلێ روسیا نینە، ژ بەر هندێ هەکە هەلویستێ تورکیا نها وەسا بەردەوام بیت رەنگە روسیا ئالۆزیان بۆ تورکیا ل سووریێ دروست بکەت و هەتا داخواز ژ تورکیا بکەت ژی کو هێزێن خوە ژ سووریێ ڤەکێشیت.
