بسپۆرەکێ ئابووری هۆشداریێ ددەتە دەستهەلاتا تورکیا
پرۆفیسور ئۆزگور دەمیرتاش بسپۆرێ ئابووری راگەهاند، تورکیا د قەیرانەکا گەلەک مەزن یا ئابووری دایە، وەزیرێ ئابووریێ یێ تورکیا ژی نەشیایە هەتا نها چو گوهۆڕینەکا باش بکەت، دڤێت بەری هەر تشتەکێ چاکسازیێن بنگەهین د کەرتێ ئابووریێ دا بهێنە کرن، دڤێت دەولەت دەست ژ وەرگرتنا باجێ ژ چینا هەژار بەردەت، دڤێت وەرگرتنا باجێ ژ کەسێن دەولەمەند زێدەتر لێ بهێتە کرن، چونکی د چەند سالێن دووماهیێ دا ل تورکیا رێژەیا کەسێن کو زەنگینتر بووینە گەلەک زێدە بوویە و د هەمان دەمی دا رێژەیا هەژاریێ ژی گەلەک زێدە بوویە.
ناڤهاتی ئەو یەک ژی دیار کر، هەکە دەستهەلاتا نها ب تایبەتی ژی محەمەد شیمشەک وەزیرێ ئابووریێ دەست ب چاکسازیان نەکەت دێ قەیرانا ئابووری گەلەک دژوارتر لێ هێت و دێ رێژەیا هەژاریێ ژی گەلەک زێدە بیت، وی دەمی دێ تورکیا تووشی کارەساتەکا گەلەک مەزن بیت، ژ بەر ڤێ یەکێ ژی دڤێت هەر زوو دەست ب چاکسازیێن پێدڤی د کەرتێ ئابووریێ دا بهێتە کرن.
