بسپۆرەک: روسیا دێ دەست ب ئۆپەراسیۆنەکا نوو ل دژی تورکیا کەت
ئەڤرۆ نیوز:
فەهیم تاشتەکین بسپۆرێ کاروبارێن سیاسی یێ تورکیا راگەهاند کو رێککەفتنا تورکیا و روسیا ل دۆر ئدلبێ دێ ژناڤ چیت، چونکو روسیا ب چو رەنگەکێ بەرهەڤ نینە داخوازیێن تورکیا قەبوول بکەت و ل ئالیێ دی روسیا باش دزانیت تورکیا دڤێت یاریێ ب کارتا ناتۆ بکەت و داخوازا پشتەڤانیێ ل ئەمریکا کریە، ژ بەر هندێ ژی روسیا دڤێت د زووترین دەم دا ئدلبێ ژ گرۆپێن سەر ب تورکیا پاقژ کەت.
ناڤهاتی دیار ژی دکەت کو روسیا و شام گەهشتینە ڤێ باوەریێ هەتا حوکمەتا سووریێ وەکو جاران کۆنترۆلا هەموو ئاخا وی وەلاتی نەکەت دێ رەوشا ئالۆز یا ل سووریێ بەردەوام بیت.
