بشار ره‌مه‌زان: دێ بزاڤێ كه‌ین ناسناڤ ژ دهۆكێ ده‌رنه‌كه‌ڤیت
ئه‌ڤرۆ،
چاڤه‌ڕێ یه ئه‌ڤرۆ قاره‌مانیا ئیراقێ یا ته‌پا مێزێ بۆ كۆما هه‌رێما كوردستانێ و باكورێ ئیراقێ ل هۆلا گرتیا یانا دهۆكێ بهێته كرن كو دێ ل سه‌ر ئاستێ ژیێن جودا، پشكۆژ و تازه‌پێگه‌هشتیان ب پشكداریا هه‌ردو نوونه‌رێن پارێزگه‌هێ یانا دهۆك و یانا پۆلیته‌نكنیكی.
د داخویانیه‌كێدا هیڤی تاها ئه‌حمه‌د سكرتێرێ ئێكه‌تیا ته‌پا مێزێ یا ئیراقێ بۆ رۆژناما ئه‌ڤرۆ گوت: قاره‌مانیا ئیراقێ بۆ یانێن پلا ئێك لسه‌ر چار كۆمان هاتیه به‌لاڤكرن، كۆما هه‌رێمێ و باكۆرێ ئیراقێ ب پشكداریا یانێن پارێزگه‌ها دهۆك، هه‌ولێر، سلێمانی، كه‌ركووك و مووسل بن بۆ ژیێن جودا ل هۆلا گرتیا یانا دهۆكێ بۆ ماوێ چار رۆژان هێنه به‌رده‌وامبیت، هه‌ر ئاسته‌كی دێ دو یانه ده‌ربازبنه قۆناغا دووماهیێ یا قاره‌مانیێ.
ژلایێ خوه‌ڤه بشار ره‌مه‌زان راهێنه‌رێ تیما ته‌پا مێزێ یا دهۆكێ دیاركر كو دێ ل سه‌ر سێ ئاستێن جودا پشكداربن ئه‌وژی ژیێن بچووك، ئاستێن پشكۆژ، تازه‌پێگه‌هشتیان كو هه‌ر تیمه‌كا مه ب سێ یاریزانان بیت و گوت: مێڤانداریا پارێزگه‌هێ بۆ ڤێ قاره‌مانیێ باشترین ده‌لیڤه‌یه یاریزانێن مه مفایی ژێ وه‌ربگرن و پێنگاڤا خوه یا ئێكێ ب هه‌ڤڕكی و ئارمانجێن مه‌زن پاڤێژن، هه‌موو یاریزانێن مه به‌رهه‌ڤن و دێ بزاڤێ كه‌ین ناسناڤ ژ دهۆكێ ده‌رنه‌كه‌ڤیت.
