بـهێن ڤـهدان یــان بهێن تهنگی !؟
بهێن ڤـهدان ئهو ماوهیهیێ دهسنیشان كری یه كو ههموو كارێن دام و دهزگههێن فهرمی دهێنه راوهســتاندن ب بریارهكا پێش وهخت یان ب یاسایهكێ وهك رێزگرتن بوَ ئهوێ ههلكهفتێ، ئهڤجا چ ههلكهفتا نهتهوهیی، نیشتیمانی یـان ئایینی بیت كو ژ ههژی ئهڤێ رێزگرتنێ و بهێنهڤهدانێ بیت.
ئــهڤه نـه یا ســهیره، بهلێ یا ســـهیر ئهوه دهمێ گهلێ كورد و كوردستانێ رێزێ ل ههلكهفتهكێ دگریت و دكهته بهێن ڤهدان وهك ههلكهفتا دامهزراندنا سوپایێ عێراقێ ل ( 6 / چریا دووێ ) ههموو سالان!!
ئهو سوپایێ كو پێدڤی بوَ ئهركێ وێ پارێزهرێ سنوور و خاك و سهروهریا وهلاتی بیت و سوپایهكێ نیشتیمانی و دلسوَز بیت ژ ههموو پێكهاتیین نهتهوهیی و ئایینی بیت بوَ بهرگریێ ژ ههر دهست درێژیهكا بهێته كرن ل سهر وهلاتی یان وهلاتیان بهلێ بهروَڤاژی ههموو ئهرك و بنهمایێن دامهزراندنا ئهڤی دهزگایێ ههستیار مـه وهكو گهلێ كورد و كوردستانی ب شیوهیهكێ گشتی ههموو جورێن پێشێلكاری و نهخوهشی و زوَلم و زوَردای ژ دهستێ سوپایێ عێراقێ دیتی نه ههر ژ وێرانكرن و سوَتن و تالانكرنا ب هزارهها گوند و ناوچێن كوردستانێ ههروهسا ب كارئینانا چهكێ كیمیاوی دژی گهلێ مه و سهرپهرشتی كرن و برێڤهبرنا پروسێسا ئهنفال كرن و بێ سهروشین كرنا ب هزارهها وهلاتیێن كوردستانێ ب ههموو تهخ و چینێن خوه ڤـه. دووماهیك تاوانا سوپایێ عێراقێ و سهركردین ئهوێ شكهستنا بهرامبهرا رێكخراوا داعش بوویـه كو ب ڤێ شكهستنێ بوویه ئهگهرێ داگیرنا پارێزگههین نهینهوا و تكریت و رومادی و چهندین شار و شاروَچكێن دی یێن عێراقێ و ئهو كارهسات و تالان و تاوانێن بدووڤ خوه ڤه ئیناین كو ههموو گهلێن عێراقێ باجا ئهڤێ روَژێ داینه و بهردهوام ددهن و سنوورێ كوردستانێ ژی كهفتیه بهرامبهر ئهڤێ رێكخراوا تیرۆرستی و گهل و ولاتێ مه توشی شهڕهكێ نـهخوازیار و نهجس كریه كو دئهنجامدا ب سهدان ژ قههرهمان و مێرخاسێن پێشمهرگێن كوردستانێ هاتینه شههید كرن و ب هزارهها ژ ئهوان قههرهمانا هاتینه بریندار و پهككهفتی كرن كو دبنهرهتدا ئهڤه ههموو دزڤریت بوَ شكهستنا سوپایێ عێراقێ و روَژبوونا وێ بوویه جهێ شانازیێ و خوهشیێ بوَ هندهك لایهنان بوَ مهرهم و بهرژهوهندیێن ب وان ڤه گرێدایی بهلێ ل جهم مـه وهكو گهلێ كوردستانێ بویـه بهێن ڤهدانهكا بهێن تهنگ و نهخوهش.
