بكارئینانا مۆبایلێ بۆ زێدەتر ژ دو دەمژمێران ئەڤ زیانە ژی یا هەیی
ڤەكۆلینەكا ئەمریكی راگەهاند كو بكارئینانا مۆبایلێن زیرەك بۆ ماوێ زێدەتر ژ دو دەمژمێران د ماوێ شەڤ و رۆژەكێ دا دبنە ئەگەرێ تووشبوونا مرۆڤی ب نەخۆشیا كێمبوونا نەمانا سەرنج و كێمبوونا چالاكیا (ADHD) د ناڤ مەزن و زارۆیان دا.
ئەڤ ڤەكۆلینە د رۆژناما جورنال یا كۆمەلا نوشداری یا ئەمریكی بەلاڤ بوویە، ئاشكەرا كریە كو ئەو كەسێن رۆژانە دو دەمژمێران یان زێدەتر مۆبایلێن زیرەك بكاردئینن، ئەگەرێ تووشبوون ب نەخۆیا كێمیا سەرنجدانێ (ADHD) ب رێژا 10%ێ زێدەترە.
ئەڤێ نەخۆشیێ ب پلا ئێكێ پەیوەندی یا ب زارۆیان ڤە هەیی، بەلێ ئەو مژوولكرنا ژ لایێ مۆبایلێن زیرەك ڤە دروست دبیت، وەكو سوشیال میدیا، نامە هنارتن، میوزیك، فلم یان تلەڤزیۆن، كێمبوونا سەرنجێ د ناڤ زەلامان دا كێم دكەت.
ڤەكۆلەر وەسان هزر دكەن كو سوشیال میدیا ب پێزانینێن بەردەوام خەلكی لاواز دكەت، ئەڤە ژی دبیتە ئەگەرێ وێ چەندێ بەردەوام بهێنڤەدانێ ل سەر ئەركێن خوە وەربگرن دا كو بچنە د ناڤ مۆبایلێن خوە دا.
دشێین بێژین ئەو كەسێن ل دەمێ بەتال خوە ب تەكنۆلۆژیایێ ڤە مژوول دكەن، رێ نادەم مێشكێ وان بهێنڤەدانێ بدەت و سەرنجێ وان ئێك ل سەر ئێكێ دبیت، مژوولكرنا وان دبیتە ئەگەرێ وێ چەندێ كو ماوێ سەرنجدانا مەزنان یێ كێم بیت و ب ساناهی مژوول ببن.
جون راتی هاریكارێ مامۆستایێ دەروونی یێ قوتابخانا نوشداری یا هارڤارد دبێژیت: «مرۆڤ بەردەوام خوە د هاڤێژنە گەلەك كاران دا د كۆمەلگەها ئەڤرۆ دا، بكارئینانا بەرفرەها تەكنۆلۆژیایێ دشیان دایە ببیتە ئەگەرێ ئالودەبوونێ ب شاشێ، ئەڤە ژی دبیتە ئەگەرێ كورتبوونا وێ سەرنجدانێ«.
رۆسیل رامسی هەڤپشكێ دامەزرێنەرێ پرۆگرامێ پێن بۆ چارەسەركرن و ڤەكۆلینا (ADHD) یێ مەزنان ل قوتابخانا نوشدار یا پێرێلمان ل زانكۆیا پەنسلڤینیا دبێژیت: «تها نێزیكی 366 میلۆن كەسێن پێگەهشتی ل سەرانسەری جیهانێ تووشی بوویەنە».
ب گۆرەیی ڤەكۆلینێن بەلگەیێ ئاماژێ ب وێ چەندێ دكەن كو تەكنۆلۆژیایێ كارتێكرن یا ل سەر رەفتارێن مێشكی هەیی، ئەڤە ژی دبیتە ئەگەرێ زێدەبوونا نیشانێن تووشبوون ب نەخۆشیا (ADHD) ژ وان خرابیا دەستكرد یا سوزداری و جڤاكی و ئالودەبوون ب تەكنۆلۆژیایێ و دابڕینا جڤاكی، خرابیا گەشەكرنا مێشكی و تێكچوونا خەوێ.
