بكوژێن كارمەندێ ئاسایشا بەردەڕەش هاتنە دەستەسەركرن
پەیڤدارێ پۆلیسێن پارێزگەها دهۆكێ د كۆنگرەكێ رۆژنامەڤانی دا دیار كر، بكوژێن ئەو گەنجێ ل سەنتەرێ دەڤەرداریا بەردەڕەش ب چەقویان د ناڤ مالا وی دا هاتیە كوشتن هاتنە دەستەسەركرن.
هێمن سلێمان، پەیڤدارێ پۆلیسێن پارێزگەها دهۆكێ خویا ژی كر، پۆلیسێن دەڤەرداریا بەردەڕەش شیان د دەمێ كێمتر ژ 24 دەمژمێران دا بكوژان دەستەر بكەن، كو دو كەسێن نێزیكی وی ب خوەنە د ناڤ خێزانێ دا، كو برایەكێ وی و هەڤژینا وی نە.
ناڤهاتی گۆت: «د نوكە دا ل دووڤ بەندێ 406 هەردو بكوژ هاتینە راگرتن و ڤەكۆلین دهێتە ئەنجامدان بۆ زانینا ئەگەرێن دروست یێن ڤێ تاوانا درندانە».
بۆ زانین ئەو گەنجێ هاتیە كوشتن، خێزاندارە و وێ شەڤێ ئەو ب تنێ ل مال بوو، دیسا كارمەندێ ئاسایشا دەڤەرداریا بەردەڕەش بوو.
