بلا سترانبێژ مایێ خوە د من نەکەن
ئارەنجەر ئاری ئاکرەیی کو نوکە ل وەلاتێ سوید دژیت دیدارەکێ دا بۆ ئەڤرۆ گۆت: ئەڤە بۆ جارا ئێکی یە ل گەل ھەلبەستڤانەکی کار دکەم کو وەسا مۆزیک بھێتە چێکرن و ئەو ھەلبەستا خوە بێژیت و لدووڤ ھزرو بیرێن ئەوی مۆزیک دھێتە چێکرن و دەمێ ئەوی تکێست و ئاوازە بۆ من شرۆڤەدکری بۆ من ھزر ھاتن و لدووڤ ئەوان ھزرا مۆزیک ل گەل چێکر و ئەو مۆزیک و ئاواز ل گەلک دژین ب ئێک و دو ڤە گرێداینە و دەرھێنەر ھەژار دھۆکی ژی ژئەرشیفێن جیھانی ڤیدیویەک مونتاژکریە ل دووڤ پەیڤا بۆ دانایە و نوکە ئەم ل سەر کار دکەین و ژڤانە ل نێزیک بھێتە بەلاڤکرن.
ئاکرەیی گۆتژی: ناڤەرۆکا ئەوێ بەحێ ھندێ دکەت کا چەوا مرۆڤ دھێتە سەر دنیایێ و مرۆڤ ھزردکەت ژیانی دەستێن خوە یێن ڤەکرین ھەما دەرگەھێن بۆ مرۆڤی ڤەکرین بتنێ کەیف و خۆشی و شادیە، بەلێ وەسا نا دەرکەڤیت و دەمێ مرۆڤ دھێتە سەر دونیایێ و جاران ژیان دەرگەھێ خوە دگریت و ناڤ نیشانەکێ ژی دیارناکەت و کلیلێن خوە نادانیتە بن بەرکەکێ، یان بن قافکێ گولان، یان بدەفتە جیرانان و مرۆڤ پسیار بکەت کا کلیلا ژیانێ و ئەو دبێژیت ھەرکەسەکێ گوە ل ئەڤێ ھەلبەستێ بیت دشێت د بیردانکا خوە دا وەکو ئەوی ب ڤێت شرۆڤە بکەت
زێدەتر گۆت: دەمێ مۆزیکێ بۆ سترانبێژان ئارەنجەر دکەم حەزدکەم مایێ خوە د کاری من نەکەن، چونکو دەمێ مۆزیک دانان دەستپێدکەت ھزرکە بۆ مرۆڤی ھاتی و دەمێ سترانبێژ دھێت و ئەوژی دەستکاریی تێدا دکەت و ھزرا ئەوی بتنی ل سەر ئەدائا ئەوی یە و کا ئەو دێ چەوا شێت بێژیت.
