بلند شەفیق: ژ بەر تێكچوونا ساخلەمیا وی مۆلەت وەرگرتیە
ئەڤرۆ
زاخۆ، عەلی حاجی:
د داخویانیەكێ دا سەروكێ یانەیا زاخۆ یا وەرزشی بۆ رۆژناما ئەڤرۆ دیار كر ئێدی دێ هاریكارێ راهێنەرێ تیما زاخۆ د خولا نایابا كوردستانێ دا تیما وان یا تەپا پێی برێڤەبەت و هەمی شیانان مەزێخن دا كو تیم دانەكەڤتیە خولا پلە ئێك.
زێدەتر بلند شەفیق گۆت: ل دەستپێكا خولێ وان هێڤیێن مەزن هەبوون تیما مە د خولا خولا نایابا كوردستانێ باشترین شێوە پشكداربیت و د پاشەرۆژێ دا دێ مفایی گەهینتە تیما مە یا پشكدار د خولا نایابا ئیراقێ یا تەپاپێی دا و ئاست و ئەنجامێن باش ب دەستخوەڤە ئینان لێ دگەل بورینا دەمی رەوشا تیمێ هاتە گوهۆڕین ئەنجام و ئاست ل دەڤ وێ تیمێ نەما و ئەو هێڤیێن ل دەڤ مە هەبووین ل دەست پێكا خولێ دا ئەوژی نەماینە و ئەم ژی تێناگەهین بۆچی و ژبەر چێ تیمێ بەر ب ئاراستەیەكێ خراب ڤە چوو لێ ئەم دێ هەمی كاران كەین پێخەمەت تیما مە پاشڤە نەچیتە پلا ئێك یا كوردستانێ و سیناریویا وەرزێ بوری ژی یا دوبارە دبیت.
ناڤبری گۆت ژی: ئەم ئامادەینە یاریزانێن خوە یێن د خولا نایابا ئیراقێ دا بدەینە بۆ تیما كوردستانێ بەرهەڤ بكەین، ساخلەمیا راهێنەرێ مە تێكچوویە و ژبەر هندێ مە مولەتەكا درێژ ژی دایە راهێنەرێ خوە و بۆ یاریێن مایی ژ خولێ دێ هاریكارێ وی بەناڤ ئەحمەد ئەركێ راهێنەرایەتیا تیمێ وەرگریت ب هیڤینە ئاست و ئەنجامێن تیمێ باشتر لێ بهێن.
