بلەز ل دۆر دوورخستنا ریال مەدرید فلرونتیو پێرێز کونگرەکێ رۆژنامەڤانی ئەنجامدا
ئەڤرۆ نیوز، زنار:
بەری دەمەکێ کێم سەروکێ یانا ریال مەدرید یا ئسپانی فلرونتینو پێرێز کونگرەکێ رۆژنامەڤانی دا دیارکر کو سکالایا یانا قادش چو بھایێ خوە نینە و یانا وان نە ھاتیە ئاگەھدارکرن دەربارەی نە پشکداریا یاریکەرێ روسی یێ تیمێ دینیس تشیریشیڤ.
د ڤی کونگرێ رۆژنامەڤانی دا سەروکێ یانا ریال مەدرید دیارکر کو ل دووڤ مادێ ٤١ ژ رێنمایێن ئێکەتیا تەپا پێ یا ئسپانی دا ھاتیە کو یانا ریال مەدرید نە ھاتیە ئاگەھدارکرن کو یاریکەرێ وێ دینس تشیریشیڤ ماف نینە پشکداریێ د ڤێ یاریێ دا بکەت بەرامبەر یانا قادش ژ چارچوڤێ کاسا شاھێ ئسپانیا دیسان یانێ ژی چو پێزانین ل سەر سزادانا ڤی یاریکەری نینن، دیسان ل دووڤ مادێ ١٢١ ژ ئێکەتیا ئسپانیا دا ئەو ژی د بەرژەوەندیا یانا وی دایە کو ھاتیە ھەمی کارتێن زەر و سزایێن یاریکەران نا مینن دەمێ تیم د گەھیتە قوناغا ٣٢ ژ قارەمانیا کاسا شاھێ ئسپانیا.
د پرسیارەکا رۆژنامەڤانەکی دا پپرسیار ژ پێریز ھاتە کرن ھەردەمێ تیم ژ قارەمانێ ھاتە دورخستن کی بەرپرسە؟
سەروکێ یانا مەلەکی د بەرسڤێ دا گۆت: ھەمی پشتەڤانینَ یانا ریال مەدرید پشت راست دکەم کو تیم ژ قارەمانیێ ناھێتە دوورخستن ژ بەرکو ئەڤ خەلەتیە یانە نە بەرپرسە و ئەگەر خەلەتیا کارگێری یا یانێ با ل وی دەمی دا ب فەرمی داخوازا لێبورینێ ژ ھەمی لایان کەین ل دوور ڤێ خەلەتیێ و قانوون بۆ ھەردو لایا یا روون و ئاشکرایە کو یانا ریال مەدرید یا بێ گونەھە ژ ڤێ روویدانێ.
