بلەز ژ ئیرانێ دەرکەڤن
وەزارەتێن دەرڤە یێن هەر دو وەلاتێن ئەلمانیا و سوید دوهی داخواز ژ هەموو وەلاتیێن خوە کرن کو بلەز ژ ئیرانێ دەرکەڤن، هەر دو وەلاتێن ئێکەتیا ئۆرۆپا ئاماژە ب ڤێ یەکێ دکەن کو رەوشا ئیرانێ گەلەک خرابە و مەترسی ل سەر ژیانا وەلاتیێن وان ل ئیرانێ هەیە، ژ بەر ڤێ یەکێ ژی داخواز ژ وەلاتیێن خوە دکەن د زووترین دەم دا ژ ئیرانێ سەرکەڤن.
ئەو یەک د دەمەکێ دایە کو نها بابەتێ ئێرشەکا سەربازی یا ئەمریکا ل سەر ئیرانێ د رۆژەڤێ دایە و دوهی جارەکا دی دۆنالد ترامپێ سەرۆکێ ئەمریکا دیار کر، هەکە ئیران مەرجێن ئەمریکا قەبوول نەکەت دێ ئێرشی ئیرانێ کەن و گۆت: (هیڤیدارم بەرپرسێن ئیرانێ کارەک وەسا نەکەن، ئەو یەک ژ بۆ وان ژی باش نینە، چونکی دێ زیانێن مەزن گەهنە ئیرانێ، لێ مخابن بەرپرسێن ئیرانێ داخوازیێن مە قەبوول ناکەن و د خوەنیشادانێن ڤێ دووماهیێ ل ئیرانێ دا پتر ژ ٣٢ هزار کەس هاتینە کوشتن و رەوشا خەلکێ ئیرانێ ژی گەلەک خرابە).
