بنزێمایی دڕبه‌ك ل ریالێ دا
ئه‌ڤرۆ،
ستێرا ته‌پا پێی یێ فره‌نسی و یانا ریال مه‌درید یا ئسپانی كه‌ریم بنزێمایی ب شێوێ هنگاڤتی ژ یاریا تیما خوه ل گه‌ل ریال سوسیداد یاریگه‌ه ب جه هێلا ئه‌وا ژ چارچووڤێ هه‌ڤڕكیێن خولا ئسپانیا ل شه‌ڤا ده‌ربازبووی هاتیه ئه‌نجامدان ب سه‌ركه‌فتنا ریال مه‌درید ب دو گۆلان بێی به‌رامبه‌ر دووماهی هاتی.
لدووڤ رۆژناما سپۆرت یا ئسپانی نۆژدارێ تیما ئسپانی دیاركر هنگاڤتنا كه‌ریم بنزێمایی د رهێن پێ وی دایه و دبیت هه‌تا سێ حه‌فتیان دووركه‌ڤیت ژوانا یاریا چامپیۆنز لیگ ل گه‌ل یانا ئه‌نتر میلان یا ئیتالی و ئه‌تله‌تیكۆ مه‌درید ژ خولا ئسپانیا، ئه‌ڤچه‌نده بوویه دڕبه‌ك ب پێكهاتیی تیما ریالێ ب كه‌ڤیت و راهێنه‌رێ وێ كارلۆ ئه‌نشلۆتی نه‌چاركریه ئه‌و پشتبه‌ستنێ ل سه‌ر ڤینیسیۆس جۆنیرۆ و رۆدرێگۆ بكه‌ت.
هێرشبه‌رێ فره‌نسی سه‌رێ لیستا گۆلكه‌رێن خولا ئسپانیا دهێت ب 12 گۆلان و شیایه د چار یاریێن خولێ‌َ دا ئێك ژ باشترین هێرشبرێن هاتیه خه‌لاتكرن.
