بنگەهەكێ ساخلەمیێ بۆ ئاوارە و پەنابەران ل دهۆكێ دهێتە ئاڤاكرن
دهۆك، لەزگین جوقی:
رێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ دیار كر، باشترین و مەزنترین بنگەهێ ساخلەمیێ بۆ ئاوارە و پەنابەران ل پارێزگەها دهۆكێ ل دومیز دێ هێتە ئاڤاكرن.
پیر دەیان، رێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ بۆ رۆژناما ئەڤرۆ دیار كر، ب هەڤكاری و پشتەڤانیا رێكخراوەكێ بەرێ بنیاتی بۆ ئاڤاكرنا باشترین بنگەهێ ساخلەمیێ ل دومیز هاتە دانان و گۆت: «ئەڤ بنگەهێ ساخلەمیێ دێ خزمەتێن چارەسەریێ پێشكیشی ئاوارە وپەنابەران كەت، نوكە پتر ژ 450 هزار ئاوارە و پەنابەر ل سنۆرێ پارێزگەها دهۆكێ هەنە».
گۆتژی: «ئەو رێكخراوێن پشتەڤانی ل بنگەهێن ساخلەمیێ د ناڤ كەمپێن ئاوارە و پەنابەران دا كرن گەلەك كیم بوینە، ئەڤە ژی بوویە ئەگەر بارگرانی ل سەر حوكمەتا هەرێما كوردستانێ دروست ببیت».
