بنگەهەكێ ساخلەمیێ بۆ پەنابەران ل كەمپا دومیز هاتە ڤەكـرن
دهۆك، لەزگین جۆقی:
رێڤەبەرێ گشتیێ ساخلەمیا پارێزگەها دهۆكێ دیاركر، دوهی 2/9/2025 ب هەڤكاری و پشتەڤانیا رێكخراوا كارێن پیرۆز، بنگەهەكێ ساخلەمیێ بۆ پەنابەران ل كەمپا دومیز هاتە ڤەكرن.
د. ئەفراسیاب موسا، رێڤەبەرێ گشتیێ ساخلەمیا پارێزگەها دهۆكێ بۆ رۆژناما ئەڤرۆ گۆت: «پتر ژ 50 هزار پەنابەران ل كەمپا دومیز دێ مفای ژ ڤی بنگەهێ ساخلەمیێ وەرگرن و رۆژانە دێ خزمەتێن ساخلەمیێ پێشكێشی پەنابەران كەت».
ناڤهاتی ئاشكرا ژی كر كو حكومەتا هەرێما كوردستانێ بەردەوام خزمەتێن ساخلەمیێ بۆ ئاوارە و پەنابەران دابین دكەت و گۆت: «ژ بەر بڕیارا حكومەتا ئیراقێ بۆ دائێخستنا كەمپان، پتریا رێكخراوان هەڤكاری و پشتەڤانیا خۆ بۆ ئاوارە و پەنابەران راوەستاندیە، ئەڤە ژی بوویە بارگرانی ل سەر دام و دەزگەهێن ساخلەمیا پارێزگەها دهۆكێ».
