بهار مەعروفی: ئەم شیاین هندەك سنۆران بشكێنین
زنار تۆڤی:
بهار مەعروفی، ئەكتەر و دیزاینەرا جلكانە، د دیدارەكێ دا بۆ رۆژناما ئەڤرۆ دبێژیت: من پشكداری د دراما پاییز دا كرییە، ئەز گەلەكا كەیفخۆشم دەمێ پشكداریێ د درامایەكا كوردی دا دكەم، دیسان كەیفخۆشتر دبم، دەمێ خەلكێ مە وێ درامایێ ب بینیت، چونكی دراما خۆمالی گەلەك ژ یا بیانی خۆشترە، ب دیتنا من نوكە دراما كوردی یا بەر ب ئاستەكێ باشڤە دچیت، دیسا بەری نوكە مە ئەكتەرێن كچ نەبوون كو پشكداریێ د كارێن درامایی دا بكەن، بەلێ نوكە دەرگەه یێن ڤەبووین، لەوما دشێم بێژم، رۆژ ب رۆژ درامایا كوردی یا بەرب باشترڤە دچیت و كچ ژی پتر پشكداریێ د درامایی دا دكەن.
ناڤهاتیێ گۆت: بۆ من جهێ شانازیێ یە پشكداریێ د دراما پاییز دا بكەم ، هەروەسا ئەم شیاین هندەك سنو ران دناڤ وێ درامایێ دا بشكێنین، هندەك جاران ژی شكاندنا هندەك سنوران دبیت یا نەخۆش ژی بیت، بەلێ هندەك دەرگەهان ڤەدكەت، هەروەسا د دراما توركی دا ئەم دبینین، ئەكتەرێن وان دەستێن ئێكدو دگرن، بۆ وان چ ئاریشە نینە، بەلێ هەكە ئەڤ چەندە دناڤ درامایێن كوردی دا هەبن، رەخنە ل مە دهێتە گرتن، لەوما هەكە هندەك سنورێن بچووك بهێنە شكاندن، دێ دراما مە یا كوردی خۆشتر لێ هێت، بەلێ دڤێت هندەك سنور نەهێنە شكاندن.
