بهایێ سۆتەمەنیێ ل هەرێما كوردستانێ دێ ئەرزان بیت
دهۆك، دلۆڤان ئاكرەیی:
بەرپرسەكێ پشكنینێ ل رێڤەبەریا نەفت و كانزایان ل هەرێمێ دیاركر، ژ بەر ڕاوەستیانا هێرشێن درۆنی بۆ سەر دامەزراوێن نەفتێ، بهایێ سۆتەمەنیێ ل بازارێن هەرێما كوردستانێ بەرەڤ داكەفتنێ دچیت.
سالار مەحەمەد، بەرپرسێ پشكنینێ ل ڕێڤەبەریا نەفت و كانزایان ل حوكمەتا هەرێما كوردستانێ بۆ رۆژنامەیا ئەڤرۆ گۆت: «بەردەوامبوونا سەقامگیریێ و ڕاوەستیانا هێرشێن درۆنی بۆ سەر زەفیێن نەفتێ و پارزینگەهان، كارتێكرنەكا ئەرێنی و مەزن ل سەر داكەفتنا بهایێ سۆتەمەنیێ هەبوویە و ئەگەر ئەڤ ڕەوشە د چەند ڕۆژێن بهێن دا بەردەوام بیت، رێژەیا سۆتەمەنیێ د بازاران دا دێ زێدە بیت، ئەڤ چەندە دێ بیتە ئەگەرێ هندێ، بهایێ نەفت و غازێ داكەفتنا زێدەتر ب خۆڤە ببینن و بزڤڕنە ئاستێ خۆ یێ ئاسایی یێ بەرێ».
