بهایێ كومپیۆتهران دێ گران بیت
پەروین سەلاح:
راپۆرتێن نوو ئاگەهداری دایە کو کڕین یان کۆمکرنا کۆمپیوتهرهکێ نوو د سالا 2026ێ دا دێ گەلەک گرانتر لێ هێت، ژ بەر پێشبینیێن بلندبوونەکا بەرچاڤ یا بهایان ژ ئەنجاما کێمبوونەکا چاڤەڕێکری د پێکهاتەیێن بیردانکێ دا، ئەڤە ل گۆر پێشبینیێن دەزگەهێ IDC یێ تایبەتمەند ب ڤهکۆلینێن بازارێ هەردیسان و ل گۆر راپۆرتا سێکتەرا تەکنۆلۆژیایێ دچیتە د وێ چەندێ دا یا ب «خولا زێدەیا بیردانکێ دهێتە نیاسین، کو تێدا داخوازیا ل سەر چیپێن DRAM و پێکهاتەیێن دی یێن بیردانکێ زێدە دبیت، ژ ئەنجاما گەشەکرنا مەزن د سێرڤەرێن زیرەکیا چێكری دا، و ئامیرێن کۆمپیوتهرێ یێن پشتەڤانیا زیرەکیا چێكری دکەن، و ل گەل وێ یەکێ شەپۆلەکا نوو کرنێ یا بەرفرەهـ یا چاڤەڕێکریە ب نێزیکبوونا دووماهی هاتنا پشتەڤانیا سیستەمێ ویندۆز 10، ل بەرامبەر دا، لایێ پێشکێشکرنێ تووشی زەحمەتیان دبیت د گونجاندنا ڤێ داخوازیا زێدەبووی دا، ئەڤ چەندە ژی بوویە ئەگەرێ بلندبوونەکا پلە ب پلە د بهایێن بیردانکێ دا، د ناڤا نیشانێن زێدەبوونێن دی د دەمێ بهێت دا.
ئەڤ کاریگەرییە ب تنێ ل سەر کۆمپیوتەران راناوهستیت، بەلکو دگەهیتە کارتێن گرافیکی، مۆبایلێن زیرەک، و ئامیرێن یاریێن دەستی ژی، ل گۆرەی راپۆرتەکێ کو مالپەرێ «gizmochina» بەلاڤکربوو، راپۆرتان دیارکریە کو کۆمپانیێن مەزن وەک «لینۆڤۆ»، «دێل»، «HP»، «ئایسەر»، و «ASUS» هۆشداری دایە دەربارەی رەوشەکا بازاری یا دژوارتر د دو سالێن بهێن دا هەروەسا، هندەک دابینکار خۆ ئامادە دکەن کو بهایان ب رێژەیا 15 بۆ 20% بلند بکەن، ژ نیڤا دویێ یا سالا 2026ێ وێڤە، ب هەڤدەم د گەل ژ نوو دانوستاندنکرنا گرێبەستێن دابینکرنێ،»IDC» پێشبینی دکەت کو رادەستکرنا کۆمپیوتەران ل سەرانسەری جیهانێ ب نێزیکی 4.9% کێم ببیت ل سالا 2026ێ، د گەل ئەگەرا خرابتربوونا ڤێ کێمبوونێ ئەگەر قەیرانا بیردانکێ (مێمۆری) توندتر ببیت، کۆمپانیێن مەزن یێن چێکرنا کۆمپیوتەران د رەوشەکا باشتر دا بن، ب شێوەیەکێ رێژەیی، ژ بەر شیانێن وان یێن مفاوەرگرتنێ ژ قەبارێ بەرهەمئینانێ و پێشکێشکرنا ئامیرێن ئامادە ب بهایێن پێشبڕکێکار، بەراورد ب کۆمکرنا ئامیرێن تایبەت کو راستەوخۆ هەست ب فشارا بهایان دکەن، کاریگەرییا راستەوخۆ ل سەر ئامیرێن زیرەکیا چێكری ئەڤ کێماسییە کاریگەریێ ل سەر بەلاڤبوونا وێ چەندێ ژی دکەت کو ب «ئامیرێن کۆمپیوتەرێن ب پشتەڤانیا زیرەکیا چێكری» دهێنە نیاسین، چونکی گەلەک تایبەتمەندی، د ناڤ دا پێدڤیێن Copilot+ یێن «مایکرۆسۆفت»، پشتێ ب قەبارێن بلندتر یێن بیردانکێ (مێمۆری) ڤە دگرن د گەل کێمبوونا دابینکرنێ، دڤێت هندەک کۆمپانی نەچار ببن کو تایبەتمەندیێن بیردانکێ د ئامیرێن خۆ دا کێم بکەن، د گەل زێدەبوونا گرنگیپێدانا کۆمپانیێن چێکرنا بیردانکێ ل سەر دابینکرنا داخوازیا قازانجدار ژ سێرڤەرێن زیرەکیا دەستکرد، دیارە کو بەرهەڤکارێ دووماهیێ دێ زیانمەندێ هەرە مەزن بیت.
