بهایێ مریشكان بەر ب نزمبوونێ یە
ئەڤرۆ: سولین سلێمان
فیراس سەدیق، رێڤەبەرێ سامانێن ئاژەڵان ل وەزارەتا كشتوكاڵی و ژێدەرێن ئاڤا هەرێما كوردستانێ بۆ رۆژناما ئەڤرۆ گۆت: ل هەرێما كوردستانێ خواستەكا زۆر ل سەر مریشكێن زیندی هەنە وەكی یێن بەستی و گۆت: ل كوردستانێ مە هزار و 840 پەلەوەرخانە هەنە، لێ هەموویان ب شێوازەكێ بەردەوام بەرهەم نینە.
مەجید حەسەن خودان ئێك ژ دكانێن فرۆتنا مریشكانە ل پاریزگەها هەولێرێ، ئەو ب خۆ ژی زێدەتر مریشكێن زیندی دفرۆشیت وەكی ئەو دبێژیت: خواست ل زڤستانێدا ل سەر مریشكان یا نورماڵە و نە گەلەكا زۆرە و نە هندا كێمە ژی ، دەرباری ڤێ چەندێ بۆ رۆژناما ئەڤرۆ گۆت: ل هندەك پەلەوەرخاندا نەخۆشی دناڤا جوجكان هەنە، ژبەر ڤێ یەكێ ل وان پەلەوەرخاندا خودانێن وان دڤێت زوو وان مریشكان بفرۆشن.
سالانە ل ناڤخۆیا هەرێما كوردستانێ زێدەتری 265 هزار تون گوشتێ مریشكێ دهێنە بەرهەم ئینان ، لێ ل هەرێما كوردستانێ ل ئێك ساڵدا پێدڤی ب 146 هزار تەنێن گوشتێ مریشكان هەیە ، ئەوا زێدەبیت ژی هاوردی ئیراقێ دهێتە كرن.
