بهایێ په‌ترۆلێ بلندبوو
ئه‌ڤرۆ نیوز:
بهایێ په‌ترۆلێ ل بازارێن جیهانێ بلندبوو، بهایێ به‌رمیله‌كا په‌ترۆلا برێنت ب چل و نه‌هـ دۆلار و پێنجى و هه‌شت سه‌نتان هات فرۆتن و په‌ترۆلا تێكساس ب چل و شه‌ش دۆلار و بیست و شه‌ش سه‌نتانبازار پێ هاته‌كرن.
ئاژانسا بلۆمبێرگ راگه‌هاند، ئه‌ڤرۆ ئێكشه‌مبى بهایێ په‌ترۆلا برێنت ب رێژا سه‌دێ ئێك پۆینت یازده بلندبوو و هه‌ر به‌رمیله‌ك بچل و نه‌هـ دۆلار و پێنجى و هه‌شت سه‌نتان هات فرۆتن،په‌ترۆلا تێكساس ژى ب رێژا شه‌دێ ئێك پۆینت شه‌ش بلندبوو و گه‌هشته چل و شه‌ش دۆلار و بیست و شه‌ش سه‌نتان.
ژ ئه‌گه‌رێ زوربوونا هه‌ژمارا تووشبوون و مرنێ ب ڤایرۆسێ كۆرۆنا د ده‌مێ بوورى دا، سه‌ره‌راى كێمكرنا قه‌بارێ هنارتنا په‌ترولێ ژ لایێ رێكخستنا وه‌لاتێن هنارتنا په‌ترۆلێ (ئۆپێك)، بهایێ په‌ترۆلێ ب كێمى ما و تا نها هیڤییه‌ك بۆ بلندبوونا وێ نینه.
هه‌یڤا ئادارا ئه‌ڤساله، بهایێ په‌ترۆلێ ل بازارێن جیهانێ نزمترین ئاست پشتى سالا 2002 تۆماركر، ب شێوه‌یه‌كى بهایێ ئێك به‌رمیلا په‌ترۆلا یا برێنت ل ژێربیست و پێنج دۆلاران بازار پێ هاته‌كرن.
ل گوره‌ى شرۆڤه‌كاریێن ئابوورى و بسپۆرێن په‌ترۆلێ، ئه‌گه‌رێ سه‌ره‌كى یێ نه‌جێگیربوونا بهایێ په‌ترۆلێ بۆ به‌لاڤبوونا پێلا دویێ یا ڤایرۆسێ كۆرۆنا ڤه‌دگه‌ریت كو چ هیڤى بۆ ده‌ستپێكرنا چالاكیێن ئابوورى ل جیهانێ نه‌هێلاینه.
