بهایێ په‌ترۆلێ بلند بوو و یێ زێرى هاته خوار
ئه‌ڤرۆ نیوز:
بهایێ په‌ترۆلێ ئه‌ڤرۆ ب رێژه‌یا سه‌دێ چار بلندبوویه كو ب چل و هه‌شت دۆلاران سه‌ره‌ده‌ری ل بازاران پێ هاتییه كرن و د هه‌مان ده‌م دا بهایێ زێڕی ب رێژه‌یه‌كا به‌رچاڤ نزمبوویه.
فیل فلین، شرۆڤه‌كارێ كومپانییا پرایس فیوچه‌ر، راگه‌هاند، ب دابه‌شكرنا ڤاكیسنێ كۆرۆنایێ داخوازی ل سه‌ر په‌ترۆلا خاڤ زێده‌بوویه و بهایێ په‌ترۆلێ ب رێژه‌یا 4% زێده‌بوویه، ئه‌گه‌رێ درێژكرنا رێكه‌فتنا ئۆپێكێیا كێمكرنا روژانه یا 7.7 ملیون به‌رمیلێن په‌ترۆلێ، بۆ چارێكا ئێكێ یا سالا داهاتى وه‌كرییه بهایێن په‌ترۆلێ د مه‌ها نیسانا بۆری دا بگه‌هن بلندترین ئاست.
هه‌روه‌ها بهایێ زێرى دگه‌ل بلندبوونا بهایێ په‌ترۆلێ، د نزمبوونه‌كا به‌رده‌وام دایه. كو ئێك ئۆنسا زێرى ئه‌ڤرۆ بو 1800 دولاران ل بازاری كێم بوویه.
ده‌یڤد میگه‌ر، شرۆڤه‌كارێ كانزایان ل كۆمپانییا هاى ریچ فیچه‌رز، راگه‌هاند، ڤه‌ژاندنا ئابوورى بوویه ئه‌گه‌ر سه‌رمایه ژ بازارێ زێرى بۆ بازارێن دی بهێت ڤه‌گوهاستن وبهایێ زێرى نزم ببیت، گۆت ژی، پشتی دۆنالد ترامپ رازی بووی ئیداره‌یێ ئاراسته‌ی جۆ بایدنی بكه‌ت، مه‌ترسی و دو دلییا سیاسییان كێمبوویه و ڤێ یه‌كێ كارتێكرن ل سه‌ر بهایێ زێڕی كرییه.
