بهێزبوونا پارتی بهێزبوونا هەر چار پارچەیێن کوردستانێ یە
دیدار، هۆشەنگ تاجر:
مامۆستایەکێ زانکۆیێ یێ رۆژئاڤایێ کوردستانێ دیار دکەت، ئەڤ هەلبژارتنە دێ کاریگەریا خوە ل سەر هەر چار پارچەیێن کوردستانێ هەبیت و سەرکەفتنا پارتی د ڤان هەلبژارتنان دا دێ بیتە ئەگەرێ بهێزبوونا رۆژئاڤایێ کوردستانێ ژی.
د. جوان سەعید مامۆستایێ زانکۆیێ یێ خەلکێ رۆژئاڤایێ کوردستانێ د دیدارەکا تایبەت دا ل گەل رۆژنامەیا ئەڤرۆ دیار کر، وەکو کوردێن رۆژئاڤایێ کوردستانێ ئەم پشتەڤانیێ ل لیستا ٢٧٥ یا پارتی دیموکراتی کوردستان دکەین، چونکی لیستا پارتی لیستا خوونا شەهیدانە، لیستا خوە نەچەماندنێ یە، لیستا جەنابێ سەرۆک بارزانی یە و گۆت: (پارتی دیموکراتی کوردستان هەردەم خوەدان پرۆژەیێ نەتەوەیی بوویە ژ بۆ کوردان ل هەر چار پارچەیێن کوردستانێ، پارتی دەم بەرەڤانی ل مافێن رەوا یێن گەلێ کوردستانێ کریە، پارتی هێزەکا مەزن و کاریگەرە نە تنێ ل سەر ئاستێ ئیراقێ و هەرێما کوردستانێ بەلکو ل سەر ئاستێ رۆژهەلاتا ناڤین ژی خوەدان کاریگەریەکا مەزنە و هەر کەس دزانیت دەستکەفتیێن ئەڤرۆکە ل هەرێما کوردستانێ بەرهەمی خەباتا ب سالان یا پارتی دیموکراتی کوردستانە، پارتی ئانکو کوردستان).
مامۆستایێ زانکۆیێ د پشکەکا دی یا ئاخڤتنا خوە دا ئەو یەک ژی دیار کر، لیستا ٢٧٥ یا پارتی دیموکراتی کوردستان د هەمان دەمی دا لیستا لیڤەگەرێ گەلێ کوردستانێ جەنابێ سەرۆک بارزانی یە، کو هەموو ژیێ خوە ژ بۆ ئازادیا گەلێ کوردستانێ تەرخان کریە و ئەڤرۆکە ل سەر ئاستێ جیهانێ رێزەک مەزن ژ بۆ جەنابێ وی دهێتە گرتن، چونکی پارتی دیموکراتی کوردستان ئەڤرۆکە ل هەر جهەکێ بیت ل وێرێ کار بۆ بدەستڤەئینانا مافێن رەوا یێن گەلێ کوردستانێ دکەت، پارتی ل هەر جهەکێ بیت ل وێرێ ئارامی، ئاڤەدانی و خزمەتکرن یا هەی و گۆت: (ژ بەر ڤان خالان و گەلەک خالێن دی ژی بێگومان وەکو کوردێن رۆژئاڤایێ کوردستانێ ئەم دخوازین د ڤان هەلبژارتنان دا گەلێ مە ل هەرێما کوردستانێ ژی دەنگێ خوە بدەنە لیستا پارتی دیموکراتی کوردستان، چونکی سەرکەفتنا پارتی د ڤان هەلبژارتنان دا دێ بیتە ئەگەرێ بهێزبوونا پێگەهێ هەرێما کوردستانێ، دێ بیتە ئەگەرێ نەمانا پیلانێن دوژمنان ل دژی گەلێ کوردستانێ، بهێزبوونا پارتی بهێزبوونا ئیرادەیا گەلێ کوردستانێ یە، ژ بەر ڤێ یەکێ ژی ئەم داخوازا سەرکەفتنێ بۆ لیستا خوونا شەهیدان، بۆ لیستا نەتەوەیی، بۆ لیستا جەنابێ سەرۆک بارزانی دکەین).
د. جوان سەعید د دووماهیا ئاخڤتنا خوە دا ئەو یەک ژی دیار کر، بێگومان ئەڤ هەلبژارتنە ژ بۆ هەر چار پارچەیێن کوردستانێ گرنگن، چونکی دێ کاریگەریا خوە ل سەر پاشەرۆژا کوردستانێ ب گشتی هەبیت، ئەزموونا چەندین سالێن بۆری ژی سەلماندیە بهێزبوونا پارتی بوویە ئەگەرێ بهێزبوونا پێگەهێ کوردان ل هەر چار پارچەیێن کوردستانێ، ژ بەر ڤێ یەکێ ژی سەرکەفتنا پارتی دیموکراتی کوردستان د ڤان هەلبژارتنان دا ئەم وەکو سەرکەفتنا هەر چار پارچەیێن کوردستانێ دبینین و گۆت: (ئەم سەرکەفتنا پارتی دیموکراتی کوردستان وەکو سەرکەفتنا هەموو کوردان ل هەر چار پارچەیێن دبینین، چونکی پارتی نوونەراتیا پرۆژەیێ نەتەوەیی یێ گەلێ کوردستانێ دکەت، پارتی بهێز بیت ئانکو کورد بهێزن، ژ بەر ڤێ یەکێ ژی ئەز هیڤیدارم د هەلبژارتنێن ڤێجارێ یێ جڤاتا نوونەرێن ئیراقێ دا لیستا جەنابێ سەرۆک بارزانی بشێت سەرکەفتنەکا مەزن بدەستڤە بینیت، بهێزبوونا پارتی دێ بیتە ئەگەرێ لاوازبوونا دوژمنێن گەلێ کوردستانێ، هیڤیدارم دەنگدەرێن هەرێما کوردستانێ دەنگێ خوە بدەنە لیستا خزمەت و ئاڤەدانیێ دا پاشەرۆژا کوردستانێ یا گەش بیت).
