به‌حسێ خوەشترین بیرهاتنا خوە ل گه‌ل هونه‌رمه‌ند محه‌مه‌د عارفێ جزیری دكه‌ت
ئه‌ڤرۆ، هه‌رهین
هونه‌رمه‌ند شاكر ئاكره‌یی ددیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: د پێشمه‌رگایه‌تیێ دا ب سرۆدان من گه‌له‌ك خزمه‌تا وه‌لاتێ خوه كر ب تایبه‌تی ل سالا 1983 و من و هونه‌رمه‌د سه‌عید گاباری و ئه‌رده‌وانی و ب سترانێن نه‌ته‌وایه‌تی هه‌یبه‌ته‌كا مه‌زن ددا پێشمه‌رگه‌ی و د ئه‌وی سه‌رده‌می دا دگۆتنه مه هوون نیڤا شوره‌شێ نه و من ب ده‌نگ و عودا خوه ده‌نگێ خوه گه‌هاند هه‌روه‌سا هونه‌رمه‌ند ئه‌رده‌وان زاخۆیی و سعید گاباری و هتد.. و ستران گۆتن یا دناڤ خوینا من دا و هه‌كه دونیایێ بهلم نه‌شێم سترانێ بهێلم و من ژیان ل گه‌ل سترانی و عودی ده‌ربازكریو ئه‌ز حه‌زژێكه‌رێ سترانێ مه و نه‌شێم بهێلم و دبیت گه‌له‌ك هه‌ڤركیا من هاتیبیته كر، لێ هه‌ریێ به‌رده‌وامم هه‌تا نوكه گۆت: كه‌سانێن نڤشێ مه ماموستا عه‌بدولعه‌زیز سلێمان و سباح زاخویی و سه‌میر زاخۆیی و بشار زاخۆیی و حاجی زاخۆیی و سترانبێژێن كه‌ڤن وه‌كو ته‌حسین تاهای و ئه‌یاز و ئه‌رده‌وان بوو ل به‌ری ده‌مێ ئه‌م چووباینه ئاهه‌نگه‌كێ دڤێت ئه‌م هه‌موو چووباین هه‌كه هه‌ر ئێك ژمه دوو ستران گۆتینه هوینگێ بۆ مه گه‌له‌ك خوه‌ش بوو سه‌برا مه دهات و مه هاریكاریا ئێك و دوو دكر و كه‌سێ كه‌ر ژیێ دی ڤه نه‌دبوون، چونكو هه‌ر ئێكی بینه‌رو حه‌زژێكه‌رێ خوه هه‌بوو سه‌ركه‌فتنا وی سه‌ر ده‌می یا ب زه‌حمه‌ت بوو و نوكه ژی هه‌ر په‌یوه‌ندیێ ب هه‌موویان دكه‌م و سه‌برا من ب ئه‌وان دهێت و ده‌مێ ل گه‌ل ئێك ژی دئاخڤیت هه‌ر سوحبه‌تێن كه‌ڤن دكه‌ین و بیرهاتنێن مه ل گه‌ل هونه‌رمه‌ندێن وه‌غه‌ركری هه‌ین وه‌كو محه‌مه‌د عرفێ جزیری و ته‌حسین تاهای و ئه‌ز وه‌كو كورێ محه‌مه‌د عارفێ جزیری بووم و من گه‌له‌ك بیرهاتن ل گه‌ل هه‌نه و ئه‌ز ل موسلێ هاتیمه دهۆكی من ده‌ست بكاری خوه یێ دوینگه‌هێ كری بابێ كه‌ریمی هه‌ر دهاته نك من و من خزمه‌تا وی گه‌له‌ك دكر و گه‌له‌ك كه‌سه‌كێ دلوڤان بوو گه‌له‌ك حه‌زژ زارۆیێن من دكر و ئێك ژوان بیرهاتنان من دوزارۆك هه‌بوون (هونه‌ر و جیهان) مالا وان یا نێزیكی مه‌بوو ئه‌م چووینه مالا وان و ئه‌وان سوپه‌ك بخوه دانا بوو سه‌ر فلینی و ئه‌م چووینه مالا وان دروونشتی نه و كورێ من هه‌ر فلین ژبنێ سوپێ ڤه كر و ده‌مێ چاڤێ وی ب كورێ من كه‌فتی گۆتێ زنخو و پشتی دوسێ شه‌ڤێن دی ئه‌م چووینه مالا وان من زارۆك نه‌برن گۆته من كا زارۆكێن ته من گۆتێ بابێ كه‌ریمی ئه‌و دنه‌درحه‌تن من یێن هێلاینه ل مال و بله‌ز گازی كچا خوە ئاسیایێ كر گۆتێ ئه‌ها نوكه بله‌ز هه‌ره زارۆكان بینه.
