به‌ربژارێن خه‌لاتێ FIFA THE BEST هاتنه ده‌ستنیشانكرن
ئه‌ڤرۆ،
ئێكه‌تیا ته‌پا پێی یا جیهانی فیفا لیستا دووماهیێ یا به‌ربژارێن خه‌لاتێ FIFA THE BEST بۆ سالا 2021ێ ده‌ستنیشانكرن ئه‌وا چاڤه‌ڕێ یه د ئاهنگه‌كا تایبه‌ت دا ل 17ێ ڤێ هه‌یڤێ باژێرێ زیۆرخ یێ سویسرایێ مێڤانداریا وێ بكه‌ت و بڤی شێوه‌یێ خوارێ هاتینه.
سه‌ر ئاستێ یاریزانێن جیهانی، هه‌ر ئێك ژ ستێرا ته‌پا پێی یا ئه‌رجه‌نتینی و یانا پاریس سانجێرمان یا فره‌نسی لیۆنێل مێسی، یاریزانێ پۆله‌ندایێ و یانا بایرن میونخ یا ئه‌لمانی رۆبێرت لیڤاندۆڤێسكی و یاریزانێ هه‌لبژارتیێ مسرێ و یانا لیڤه‌رپۆل یا ئنگلێزی محه‌مه‌د سه‌له‌ح هاتینه به‌ربژاركرن.
سه‌ر ئاستێ راهێنه‌ران یێ هه‌لبژارتیێ ئیتالیا رۆبێرتۆ مانشینی، راهێنه‌رێ ئسپانی و یانا مانچسته‌ر ستی پێب گۆاردیۆلا و راهێنه‌رێ فره‌نسی و یانا چێلسی یا ئنگلێزی تۆماس تۆخێل هاتینه به‌ربژاركرن، ل سه‌ر ئاستێ راهێنه‌رێن كچ هه‌ر ئێك ژ ئیما هایز راهێنه‌را چێلسی، سارینا ویگمان ئه‌وا راهێنه‌راتیا هه‌لبژارتیێن هۆله‌ندا و ئنگلزێ كری هاتینه ده‌ستنیشانكرن.
ژلایه‌كێ دووڤه سێ گۆلپارێز هاتنه ده‌ستنیشانكرن ئه‌وژی یێ ئیتالی و یانا ئه‌ی سی میلان جیانلۆیجی دۆنارۆما، یێ ئه‌لمانی و بایرن میونخ مانوێل نویر و یێ سینگالی و یانا چێلسی ئێدۆاردو مێندی.
سێ یاریزانێن كچ هاتینه ده‌ستنیشانكرن ئه‌وژی یاریزانا ئۆسترالیا و یانا چێلسی سان كێڕ و هه‌ردو یاریزانێن وه‌لاتێ ئسپانی و یانا به‌رشه‌لۆنا ئه‌لێكسیا پۆتلاسی و هه‌ڤالا وێ چێنی هێرمۆسۆ، دیسان هه‌ر ئێك ژ ستیڤانی كریستیان ئیندله‌ر گۆلپارێزا یانا لیۆن و یاریزانا پاریس سانجێرمان لین ماری لاب به‌ربژارن بۆ باشترین گۆلپارێزا كچ.
دیسان خه‌لاتێ بۆشكاش یێ جوانترین گۆل دێ دناڤبه‌را هه‌رسێ یاریزانان دا بیت، یێ ئه‌رجه‌نتینی و یانا تۆتنهام ئیریك لامیلا گۆلا وی لسه‌ر یانا ئارسنال د پریمه‌رلیگ دا، گۆلا یێ چیكی پاتریك چێك ل سه‌ر هه‌لبژارتیێ ئسكوتلاندا د یورویا ئۆرۆپا 2020 دێ و گۆلا یێ ئیرانی مه‌هدی تارمی هێرشبرێ پۆرتۆ پورتۆگالی ل سه‌ر چێلسی د چامپیۆنز لیگا دا.
دهێته زانین پرۆسه‌یا ده‌ستنیشانكرنا باشترینێن خه‌لاتێ ژلایێ رێڤه‌به‌رێن هه‌لبژارتیێ جیهانێ كو باوره‌پێكرینه ژلایێ فیفا، كاپتێن هه‌لبژارتیان، رۆژنامه‌ڤانێن وه‌رزشی یێن په‌سه‌ندكری و جه‌ماوه‌ر.
