به‌رده‌ره‌ش: هژماره‌كا زۆر يا كه‌رستێن ده‌م ب سه‌رڤه‌چووى هاتنه ژناڤبرن
بەردەرەش، رەزوان رۆژبەیانی:
چاڤدێریا بازرگانی ل قەزا بەردەرەش ئاشکرا کر ل رۆژێن بوری ئەو شیاینە دو تەنێن کەرستێن خوارن و ڤەخوارن یێن دەم ب سەرڤە چوویی کوم ڤە بکەن و ئەڤرۆ ب سەر پەرشتیا قایمقامێ بەردەرەش ھاتنە ژناڤبرن.
کامیران نورەدین محەمەد بەرپرسێ چاڤدێریا بازرگانی ل قەزا بەردەرەش بۆ ئەڤرۆ نیوز خویاکر ژ پێخەمەت ساخلەمیا وەلاتیان و پاقژکرنا بازاری ژ کەرەستێن دەم ب سەرڤە چوویی ل رۆژێن بوری ل قەزا بەردەرەش ئەو شیان دو ھەزار و 200 کیلۆیێن کەلوپەلێین دەم ب سەر ڤە چوویی ل ناف سەنتەرێ قەزا و ھەر سێ ناحیێن وێ کوم ڤە بکەن، ئەڤرۆ ژی ب سەرپەرشتیا قایمقامێ قەزا بەردەرەش ھاتنە ژناڤبرن
گۆتژی: “ئەم بەردەوام چاڤدێریا بازاری دکەین و دەست ب سەر وان کەلوپەلێن ئێکسپایەر دا دگرین و پشترا ژناڤ دبەین، ژبلی ناف بازاری ئەم دچینە گوندان دا کو ھەموو دەڤەر بێنە کونترۆل کرن و پاقژکرن ژ کەلوپەلێن نەیاسایی و دەم ب سەرڤە چوویی”.
