بهردهڕهش 57 هزار كهسین بێ نوونهر
تهیار عادل گۆران
پشتى ههلبژارتنێن پهرلهمانا عیراقێ ئهڤ سهردێره بوویه ناڤونیشانا قهزا بهردهڕهشێ. گوهێ خه ل ههر كهسهكى بگرى گازندهیا ئهوێ چهندێ دكهت كو مخابن خهلكى دهنگ بۆ نوونهرهكا خوه نهدا بچیته پهرلهمانا عیراقێ. ههشت سال بهرى نوكه خهلكێ دهڤهرێ گازندهیان ژ پارتى دكر كو بۆچى كهسێ ل دهڤهرا وان كاندید ناكهت بۆ پهرلهمانى لێ ئهڤه دو گهڕین ههلبژارتنا پهرلهمانا عیراقێ دهێت هیشتا خهلكێن دهڤهرا بهردهڕهش نهشیاینه كاندیدێن خوه ببهنه پهرلهمانى. غازى رهمهزان گۆران تاكه كاندیدى دهڤهرا بهردهڕهش بی د ناڤ پارتى دیمۆكراتى كوردستان كو دشیم بیژم 80% خهلكى دهڤهرێ د گهل پارتى دانه. ل گۆر ئهنجامین بهراهیك و دووماهیا ههلبژارتنان غازى گۆران شیایه 10500 دهنگان بدهستخوهڤه بینیت. ههكه ئهم ههڤكێشهكا هژمارى بۆ ڤێ چهندى بكهین هندهك تشت دێ بۆ مه ئاشكرا بن وهكو. رێژهیا پشكداریا خهلكى نێزیكى 70% بوو ئهڤ ریژهیه بۆمه دیار دكهت كو پترى 39900 كهسان پشكدارى ههلبژارتنان بووینه. ژ وی رێژهى نێزیكى 11 هزار دهنگان بۆ حیزبین ئێكگرتوویا ئیسلامى و ئێكهتیا نیشتیمانى و گۆڕان و نهوهى نووێ و ههڤپهیمانى و كۆمهل دێ دانین. نێزیكى شهش هزار دهنگان ژى دێ ب بهتال دانین ب ڤێ شیوهى 22900 دهنگێن سافى بۆ پارتى دیمۆكراتى كوردستانێ دمینن ل دهڤهرێ كو ب ڤێ دهنگى خهلكى بهردهڕهشى دشیان غازى گۆرانى ببهنه پهرلهمانى. بهلێ وه دیارى پترى خهلكى بهردهڕهش دهنگێ خوه دایه كاندیدێن دهڤهرێن دی. بهرپرسهكا پارتى ل دهڤهرا بهردهڕهشێ هۆكارین دهرنهچوونا غازى رهمهزانى ب پلا ئێكى ب وان ئاریشهیان زڤراند. ئێك: ململانهین هندهك بنهمال و هندهك كهسان ب ناڤێ ئاغاتێى چونكى ل دهڤهرا بهردهڕهشێ ههر كهس را دبیت دبێژیت ئهز ئاغامه و ب ڤێ شیوازى كهس خوه بكهسێ نادهت و ههمى بووینه ئاغا و دهنگ پهرتهوازه بوویه. دو ئاریشین دامهزراندنێ ل كهرتى پهروهردێ و گازندهیا خهلكى ل پهروهردهیى، چونكى كاندید بهرى نوكه ریڤهبهرێ پهروهردێ بوو.
