بهرشهلۆنا، بایرن میۆنخ و ئینتهر ب هێزترین كۆما دا
ئهڤرۆ
ل پێنچ شهمبیا بوری رێورهسمێن پشككێشانا وهرزێ نوو 2022- 2023 یا قارهمانیا یانێن ئۆرۆپا قارهمانێن خولا چامپیۆنز لیگ و قارهمانیا خولێن ئۆرۆپا ل باژێرێ ئستهبۆلا توركیا هاته ئهنجامدان ئهوا ههر قارهمانیهكێ 32 یانه ل دووڤ ئاستێن پهسهندكری هاتینه بهلاڤكرن ل سهر ههشت كۆمان و یاریێن وان دێ ل شهش، حهفتێ و ههشتێ ههیڤا بهێت دهستپێكهن و بڤی شێوهیی قۆناغا كۆمان هاتیه دیاركرن.
- پشككێشانا چامپیۆنز لیگ.
كۆما ئێكێ: ئهیاكس ئهمستردام یا هۆلهندی، لیڤهرپۆل یا ئنگلتهرا، ناپۆلی یا ئیتالی، رێنجێرز یا ئسكتلهندی.
كۆما دویێ: پۆرتۆ یا پۆرتۆگالی، ئهتلهتیكۆمهدرید یا ئسپانی، بایرن لیڤهركۆزن یا ئهلمانی، كلۆپ برۆچ یا بهلجیكی
كۆما سێیێ: بایرن میۆنخ یا ئهلمانی، بهرشهلۆنا یا ئسپانی، ئهنترمیلان یا ئیتالی، فیكتۆریا بلزن یا چیكی.
كۆما چارێ: فرانكفۆرت یا ئهلمانی، تۆتنهام یا ئنگلتهرا، سپۆرتینگ لهشبۆنه یا پۆرتۆگالی، مارسێلیا یا فرهنسی.
كۆما پێنجێ: میلان یا ئیتالی، چێلسی یا ئنگلتهرا، رێدبۆل سالزبۆرگ یا نهمسا، دینامۆزاگرب یا كرواتی.
كۆما شهشێ: ریال مهدرید یا ئسپانی، لایبزیك یا ئهلمانی، شاختار دۆنێتسك یا ئۆكراین، سێلتیك یا ئسكتلهندا.
كۆما حهفتێ: مانچستهر ستی یا ئنگلتهرا، سیڤییا یا ئسپانی، بۆرۆسیا دۆرتمۆند یا ئهلمانی، كۆپنهاگن یا دانماركی
كۆما ههشتێ: پاریس سانجێرمان یا فرهنسی، یۆڤانتۆس یا ئیتالی، بهنفیكا یا پۆرتۆگالی، ماكابی حهیفا یا ئسرائیل.
- گرنگترین یاریێن كۆما
جهماوهرێ وهرزشی چاڤهڕێ چهند یاریێن ئاگرینین ژ چارچووڤێ قۆناغا كۆما تایبهت یێن كۆما ئێكێ، سێیێ و حهفتێ و ژیاریێن گرنگ، ئێك ژ هێزترین یاریێن قۆناغا كۆما دو یاری دناڤبهرا بهرشهلۆنا و بایرن میۆنخ هێنه ئهنجامدان، بهری نوكه پێنج چاران ههمبهری ئێك بووینه د دهه سالێن بوری دا، چار جاران بایرن سهركهفتن تۆماركریه و جارهكێ بهرشهلۆنا، مهزنترین سهركهفتن یا دیرۆكی بۆ یانا ئهلمانی ل قۆناغا پێش دووماهیی یا 2020 دهمێ ب ههشت گۆلان بهرامبهر دو گۆلان سهركهفتی ئینایی، ههروهسان ستێرێ بهرێ یێ بایرن میۆنخ لیفاندۆڤێسكی پشتی نهه سالان دێ ل گهل بهرشهلۆنا بزاڤێ كهت گۆلان ل سهر یانا خوه یا بهرێ تۆماربكهت، ههروهسان بهرشهلۆنا و ئهنترمیلان دێ دو یاریێن بهێزبن كهن، ژلایهكێ دووڤه یاریێن لیڤهرپۆل و ناپۆلی ئێك ژ یاریێن بهێز و چاڤهڕێ كرینه، دیسان ئهتلهتیكۆ مهدرید و بایرن لیڤهركۆزن و میلان و چێلسی دیدراێن وان تایبهتمهندیا خوه یا ههیی، ژلایهكێ دووڤه ئیرلینگ هالاند ل گهل یانا خوه مانچستهر ستی دێ ههمبهری یانا خوه یا بهرێ بورۆسیا دۆرتمۆند بیت.
- پشككێشانا ههڤسهنگ بۆ یانێن خولا ئۆرۆپا
رێورهسمێن پشككشێشانا قارهمانیا خولا ئۆرۆپا سهر ئاستێ یانا هاته ئهنجامدانا ئهوا بڕیاره ل ههشتێ ڤێ ههیڤێ ب پشكداریا 32 یانا بهێته كرن و هاتینه بهلاڤكرن ل سهر ههشت كۆمان بڤی رهنگی.
كۆما ئێكێ: ئارسنال یا ئنگلتهرا، ئایندهۆڤن یا هۆلهندا، بۆدۆگلیمت یا نهرویجی، زیۆرخ یا سویسری.
كۆما دویێ:دینامۆگێڤ یا ئۆكراین، رین یا فرهنسی، فهنهرپهخشه یا توركی، لارناكا یا قوبرسی.
كۆما سێیێ: رۆما یا ئیتالی، لۆدۆگۆرێتس یا بۆلگاری، ریال پێتس یا ئسپانی هێلسنگی یا بهلجیكا.
كۆما چارێ:سپۆرتنگ براگا یا پۆرتۆگالی، مالمۆ یا سویدی، یۆنیۆن یا ئهلمانی، یۆنیۆن سان یا بهلجیكی.
كۆما پێنجێ: مانچستهر یۆنایتد یا ئنگلێزی، ریال سوسیداد یا ئسپانی، شریف تیراسبۆل یا مۆلدیڤیا، ئۆمۆنۆیا یا قۆبرسی.
كۆما شهشێ: لاتسیۆ یا ئیتالیا، فینۆرد یا هۆلهندا، میتیلاند یا دانیمارك، ستۆرم گراتس یا نهمسا.
كۆما حهفتێ: ئۆلمپیاكۆس یا یۆنانستان، كارباچ یا ئادهربێجان، فرایبۆرگ یا ئهلمانی، نانت یا فرهنسا.
كۆما ههشتێ: گرڤێناز ڤێزدافك یا سربی، مۆناكۆ یا فرهنسی، فێرینكفارۆسی یا هنگاریا، تڕابزۆن یا توركیا.
- بنزیما و ئهلێكسیا بوونه باشترینێن ئۆرۆپا
ههر د چارچووڤێ رێورهسمێن پشككێشانا چامپیۆنزێ ستێرێ فرهنسی و یانا ریال مهدرید یا ئسپانی كهریم بنزێما ل سهر ئاستێ خهلاتێ باشترین یاریزانێ كێشوهرێ ئۆرۆپا ب دهستخوهڤه ئینا و پێشكهڤیت ل سهر یێن بهلچیكی تیبۆ كۆرتۆا گۆلپارێزا ریال مهدرید و كێڤن دی برۆین ستێرێ مانچستهر ستی، ل سهر ئاستێ كچان یا ئسپانی و یانا بهرشهلۆنا ئهلێكسیا بۆتیاس وهكو باشترین یاریزان هاته خهلاتكرن و پێشكهڤیت ل سهر ههرئێك ژ یا ئنگلتهرا بێس مید و یا ئهلمانی لینا ئبردۆف، ژلایێ خوهڤه راهێنهرێ ئیتالی و یانا ریال مهدرید كارلۆ ئهنشلۆتی وهكو باشترین راهێنهری هاته دهستنیشانكرن كو دهێته هژمارت ئێكهم راهێ،هری چار قارهمانیێن چامپیۆنز لیگ دهستڤه دئینت دو جار ل گهل میلان و دو یێن دی ل گهل ریالێ.
