به‌رشه‌لۆنا ب ڕێیا مباپی تۆلێن خوه ژ ریالێ ڤه‌دكه‌ت
ئه‌ڤرۆ،
پشتی كلاسیكویا رۆژا ئێكشه‌مبیا بوری دناڤبه‌را هه‌ردو یانێن به‌رشه‌لۆنا و ریال مه‌درید ژ خولا ئسپانیا ئه‌وا ب سه‌ركه‌فتنا ریالێ ب دووماهی هاتی ب دو گۆلان به‌رامبه‌ر گۆله‌كێ، به‌رپرسێن یانا كاته‌لۆنی یێ بزاڤێ دكه‌ن تۆلێن خوساره‌تیا خوه ب دانانا ئاسته‌نگا بۆ نه گه‌هشتنا رێكه‌فتنێ دناڤبه‌را ستێرا پاریس سانجێرمان یا فره‌نسی كلیان مباپی و یانا ریال مه‌دریدێ.
لدووڤ رۆژناما ئاس یا ئسپانی كو سه‌رباری قه‌یرانا دارایی یا یانا به‌رشه‌لۆنا لێ ئێدوارد رۆمیو چێگرێ سه‌رۆكێ یانێ دیاركر بۆ وه‌رزێ بهێت ئه‌وان شیان نابن ژماره‌كا باش یا یاریزانان ل سه‌ر تیما خوه زێده‌بكه‌ن لێ بتنێ بۆ ئینانا مباپی دێ هه‌موو بزاڤا كه‌ن و هه‌كه پێدڤی كر باشترین یاریزانێ خوه ژی فروشن ژبۆ ده‌ستڤه‌ئینانا یاریزانێ فره‌نسی و نا هێلین بچیته ریال مه‌دریدێ و هه‌ر كۆژمه‌كێ یانا شاها ته‌رخانبكه‌ت ئه‌م دێ زێده‌تر به‌رهه‌ڤكه‌ین و گوت: پاداشتا هاتنا مباپی مه 90 ملیۆن یۆرۆ داناینه كو 40 ملیۆن یۆرۆیان زێده‌تره ژ یا ریالێ، دڤیابا ل سالا2017 مه گرێبه‌ستا وی ئیمزاكربا لێ په‌شیمان بووینه.
