به‌رنامه‌كێ نوو ب ناڤێ (وارێ مه) هه‌یه
دهۆك، شاكر ئه‌تروشی:
مه‌دیاكار ( ڤیان عه‌باس) د دیداره‌كێ دا بۆ رۆژناما ئه‌ڤرۆ دیاركر كو ل ده‌ستپێكا هه‌یڤا بۆری وێ ده‌ست ب وێنه‌كرنا به‌رنامه‌كی كریه كو ژ ئاماده‌كرن و پێشكێشكرنا وێ یه، هه‌تا نوكه حه‌فت خه‌له‌كه هاتینه وێنه‌كرن و ل دووف هه‌ڤبه‌ستا هاتیه ئیمزاكرن دێ (52) خه‌له‌كان وێنه كه‌ت و ده‌مێ هه‌رخه‌له‌كه‌كێ (45) خوله‌كن.
ڤیانێ گۆت: خه‌له‌كا ئێكێ یا به‌رنامه‌ی مه ل قه‌زا ئامێدیێ وێنه‌كریه، ناڤه‌رۆكا وی ل دۆر ژین و ژیار و شوونوارێن وێ ده‌ڤه‌رێ یه، هه‌تا نوكه حه‌فت خه‌له‌كه ب دووماهی هاتینه، ئه‌ز و وێنه‌گرێ به‌رنامه‌ی (میر تالب) دی دبه‌رده‌وام بیت هه‌تا هه‌ر (52) خه‌له‌كه بهێنه وێنه‌كرن و كۆمپانیا مۆكریانی ل هه‌ولێرێ سپۆنسه‌را ڤی به‌رنامه یه، پشتی ب دووماهی دهێن ئه‌و دێ فرۆشیته هنده‌ك كه‌نالێن ئه‌سمانی، و وه‌ك هزر بۆ پاشه‌رۆژێ حه‌ز دكه‌م به‌رنامه‌كێ ساخله‌میێ ژی پێشكێش بكه‌م، چنكو ئه‌ز ده‌رچوویا پشكا ده‌رمانسازی مه و من دڤێت ب رێیا وی به‌رنامه‌ی پتر ره‌وشه‌نبیریا ساخله‌میێ دناڤ خه‌لكی دا به‌لاڤ بكه‌م.
