به‌رنیاس بوون و داهات د مۆزیكێ دا نه تشته‌كێ خرابه
ئه‌ڤرۆ،
كاوار عسمه‌ت، لێده‌رێ ئامیرێ عودێ دیداره‌كێ دا بۆ به‌په‌رێ هونه‌ری یێ رۆژناما ئه‌ڤرۆ گۆت: موزیك زمانه‌كه هه‌موو كه‌س حه‌زژێدكه‌ن، چونكو ده‌رونێ مرۆڤی ئارام دكه‌ت و مرۆڤی به‌رب جیهانه‌كا دی دبه‌ن، به‌لێ ب مخابنی ڤه هه‌موو كه‌س دزمانێ مۆزیكێ ناگه‌هن و نه‌شێم بێژم هه‌موو مۆزیكژه‌نان مۆزیك بخوه كریه كاره‌ك و ژیانا خۆه پێ ده‌رباز بكه‌ن و ئه‌ڤه تشته‌كێ رێژه‌یی یه و به‌رنیاس بوون و ب ده‌ستڤه ئینانا داهاته‌كی د بوارێ مۆزیكێ دا نابینم تشته‌كێ خراب و ئه‌ز ل دووڤ ڤان هه‌ردو تشتان نه‌چوویمه و بتنێ من دلڤێت مێشكێ خۆ و ده‌وروبه‌رێن خۆ ئارام بكه‌م و حه‌زه‌كا تایبه‌ته لده‌ف من و ئه‌ڤه یه ئارمانجا من د مۆزیكێ دا
هه‌روه‌سا گۆت: مۆزیكژه‌نێ راست و درست دڤێت یی چخودان ره‌وشت بیت و خودان هه‌ست و دل پاقژبیت و دلنه‌رم بیت و هه‌موو سیفه‌تێن هونه‌رمه‌ندان یێن جوان ل ده‌ڤ هه‌بن و دبینم هه‌كه ئه‌ف سیفه‌ته ل ده‌ف هه‌بن دێ هێته هژمارتن هونه‌رمه‌ندێ مۆزیكژه‌ن و مه ل دهۆكێ مۆزیكژه‌نێن باش و خودان شیان هه‌نه، به‌لێ ب مخابنی ڤه دبه‌رزه‌نه.
ل دووماهیێ گۆت: مه گه‌له‌ك سترانبێژێن ده‌نگ خۆش هه‌نه و یێن وه‌غه‌ركری و یێن زیدی و من گه‌له‌ك دڤیا ل گه‌ل هونه‌رمه‌ند ئه‌یاز زاخۆیی من مۆزیك ژه‌نی با و یێن سه‌رده‌م ژی وه‌كو ئیسماعیل جومعه و بلند ئیبراهیم و چوپی فه‌تاح و هه‌كه ده‌لیڤه هه‌بیت ژی حه‌ز دكه‌م ل گه‌ل وان دان و ستاندنێ بكه‌ین و سترانا بێژن و مۆزیكێ ب ژه‌نم.
