به‌رهه‌ڤییان بۆ تۆماركرنا ئه‌لبۆما خوه یا دویێ دكه‌ت
دهۆك، زنار تۆڤی:
ئازاد ئامارا، خه‌لكێ باژێرێ ئامه‌دێ یه ل باكۆرێ كوردستانێ، ئه‌ڤه پتری 20 سالان د وارێ هونه‌ری دا كار دكه‌ت، د دیداره‌كێ دا بۆ رۆژناما ئه‌ڤرۆ دیاركر كو هه‌تا نوكه وی ئه‌لبۆمه‌كا سترانان ب ناڤێ ( ژته حه‌ز دكه‌م) به‌لاڤكریه، كو ژ نه‌ه تراكان پێك دهێت، هه‌روه‌سا پێنج كلیپ ژی چێكرینه، وی زارۆكاتییا خوه ل چیایێ ئه‌رغه‌نییێ دا ل ئامه‌دێ ده‌باز كریه، پاشی قه‌ستا باژێرێ ئیستانبولێ كریه و ئه‌لبۆما خوه یا ئێكێ چێكریه، و نوكه به‌رهه‌ڤیان بۆ تۆماكرنا ئه‌لبۆما خوه یا نوو دكه‌ت، و ل به‌ره سێ سترانان ژ ێ كلیپ بكه‌ت.
هه‌روه‌سا گۆت: ئه‌ز دچمه ده‌وات و هه‌لكه‌فتێن كوردان ل باكۆرێ كوردستانێ و ئورۆپا، هه‌روه‌سا چه‌ندین جاران من سه‌ره‌دانا هه‌رێما كوردستانێ ژی كریه و هنده‌ك كارێن هونه‌ری لێ ئه‌نجام داینه، و ب دیتنا من نوكه هونه‌رێ كوردی ل باكۆرێ كوردستانێ د ئاسته‌كێ گه‌له‌ك باش دایه، لێ مخابن ده‌وله‌تا تورك پرانیا رادیۆ و كه‌نالێن كوردی داخستینه و نوكه ئه‌م ب تنێ ب رێیا سۆشیال میدیایێ ستران و كلیپێن خوه به‌لاڤ دكه‌ین.
