به‌رهه‌ڤی بۆ ئینانا كاره‌با زێده‌تر ژ توركیا دهێنه‌كرن
ئه‌ڤرۆ، حه‌مۆ محه‌مه‌د:
وه‌زیرێ كاره‌با حوكمه‌تا هه‌رێما كوردستانێ دووڤچوونا پرۆژێ وێستگه‌ها 132 كه‌یڤی یا زاخۆ دكه‌ت كو بڕیاره وزا كاره‌بێ یا زێده‌تر ژ توركیا ب رێیا وێستگه‌ها زاخۆ بۆ وێستگه‌ها دووبان ل سێمێلێ بهێته ڤه‌گوهاستن.
ئه‌ندازیار كه‌مال محه‌مه‌د سالح، وه‌زیرێ كاره‌با حوكمه‌تا هه‌رێما كوردستانێ سه‌ره‌دانا وێستگه‌ها 132 كه‌یڤی یا زاخۆ كر و دووڤچوون بۆ به‌رهه‌ڤیێن وێستگه‌هێ ب مه‌ره‌ما وه‌رگرتنا وزا كاره‌بێ یا زێده‌تر ژ توركیا بۆ وێستگه‌ها دووبان ل سێمێلێ كر.
دیسا وه‌زیرێ كاره‌بێ دووڤچوونا پرۆژێ هێلا 132 كه‌یڤی یا كواشێ بۆ زاخۆ كر كو نوكه دهێته بجهئینان و ب تمامبوونا پرۆژه‌ی بارگرانیا ل سه‌ر كاره‌با ده‌ڤه‌را زاخۆ دێ چاره‌سه‌ر كه‌ت.
