به‌ره‌بابكێ نوو یێ دادڤانێن پارێزگه‌هێ دێ هێنه پێگه‌هاندن
ئه‌ڤرۆ، زنار زوبێر:
پشتی 28 دادڤانێن پارێزگه‌هێ شیاین باوه‌رناما پله سێ یا دادڤانیا یاریا باسكێت بۆلێ وه‌ربگرن و دێ زێده‌تر ئه‌ڤ به‌ره‌بابكێ نوو یێ دادڤانیێ هێنه پێگه‌هاندن ل پارێزگه‌ها دهۆكێ.
د ڤی بیاڤی دا سه‌ردار سالح سه‌روكێ ئێكه‌تیا باسكێت بۆلا پارێزگه‌ها دهۆكێ د دیداره‌كێ دا بۆ رۆژناما ئه‌ڤرۆ گۆت: 28 دادڤانێن گه‌نج یێن پارێزگه‌ها دهۆكێ شیان باوه‌رناما پله سێ یا كارێ دادڤانیا یاریا باسكێت بۆلێ وه‌رگرن و یا دلخوشكه‌ر ئه‌وه كچ ژی تێدا هه‌نه ڤێ جاری له‌ورا ل ماوێ بهێت ئه‌ڤ دادڤانه ب بڕیارا ئێكه‌تیا باسكێت بۆلا ئیراقێ دێ هێنه راسپاردن بۆ بڕێڤه‌برنا چه‌ند یاریان دا كو ناڤێ وان ل فورما تومارێن یاریا دا هه‌بن و بشێن ڤان دادڤانا ل هه‌یڤا ته‌باخێ پشكدار بكه‌ین ل خولا دادڤانیا پله دو ئه‌وا دێ ل زاخۆ هێته ئه‌نجامدان.
نافهاتی ئه‌وچه‌نده ژی دیاركر ل ڤی ماوه‌ی دا ئه‌و دێ هه‌موو دادڤانێن خوه برێیا به‌رنامێ زووم ئۆنلاین پشكداری خولا زمانێ ئنگلیزیێ ژی كه‌ن دا كو ژلایێ زمانی ژی ڤه بهێنه پێگه‌هاندن به‌ری ئه‌نجامدانا خولا پله دو، ب ڤێ چه‌ندێ پارێزگه‌ها دهۆكێ دێ بیته خودانێ به‌ره‌بابكه‌كێ نوو دادڤانێن یاریا باسكێت بۆلێ.
