به‌رپرسێن ئیسرائیلی: سوریا نه‌مایه
ئه‌ڤرۆ نیۆز، ئه‌یاد به‌روارى:
وه‌زیرا داد یا ئیسرائیلی ئیلیت شاكید د دیداره‌كێ دا ل گه‌ل كه‌نالێ ئێك یێ ئیسرائیلی راگه‌هاند، چو هه‌بوون بۆ سوریا نه‌مایه و دلته‌نگیا وه‌لاتێ خوه ژ رێككه‌فتنا ئه‌تۆمی د ناڤبه‌را شه‌ش وه‌لاتێن مه‌زن و ئیرانێ دا دیاركر ژ به‌ر كو دێ ئیران د 10 سالێن داهاتی دا به‌ر ب پڕچه‌ككرنێ ڤه چیت و دێ بیته ئه‌گه‌ر كو هنده‌ك وه‌لاتێن میانره‌و ل رۆژهه‌لاتا ناڤێن به‌ر ب پڕچه‌ككرنێ بچن.
وه‌زیرا ئیسرائیلی د وێ دیدارێ دا دیاركر كو پێدڤیه ل سه‌ر ئیسرائیلێ دانوستاندنێن ستراتیژی ل گه‌ل ئه‌مریكا ئه‌نجام بده‌ت و قه‌ره‌بوویێن ستراتیژی ژێ وه‌ربگریت.
ئه‌ڤه جارا ئێكێ نینه به‌رپرسێن حوكمه‌تا ئیسرائیلی ئاماژه ب هه‌لوه‌شاندنا سووریێ دده‌ن و دبێژن ئێدی سووریا وه‌كو وه‌لات نه‌مایه، وه‌زیرێ ئاسایشا ئیسرائیلێ (نفتالی بینیت) د كونگرێ هرتیسیلیا یێ سالانه ل خزیرانا بۆری داخواز ژ وه‌لاتێن جیهانێ كر دانپێدانێ ب چوونا بنداهیێن جولان یێن سووری بۆ ناڤ ئیسرائیلێ دا بكه‌ن كو د شه‌ڕێ خزیرانا 1967 ده‌ست ب سه‌ردا گرتبوو و گوتبوو” سووریا نه‌مایه وه‌لات كو بشێت داخوازا وان بلنداهیێن ستراتیژی بكه‌ت”.
د هه‌مان كونگره‌ی دا، رێڤه‌به‌رێ فه‌رمانگه‌ها سیاسی و ئاسایشێ ل وه‌زاره‌تا به‌ره‌ڤانیا ئیسرائیلی (علموس جلعاد) گوتبوو “سووریا نه‌مایه و سه‌رۆكێ سووری بشار ئه‌سه‌د دشێت ل كۆچكا خوه روونیت، لێ وی چو په‌یوه‌ندی ب سووریێ نه‌مایه”.
