به‌رپسیاره‌تی!!
ڕامانا په‌یڤێ: ئانكو رۆژه‌ك دێ هێت پسیار دێ ژته هێـته كرن.
ئانكو ده‌مێ ملله‌تی پسیار كر به‌رپرس دێ به‌رسڤێ ده‌ت.
ئانكو به‌رپرس دڤێت یێ ئاماده‌بیت بۆ به‌رسڤدانێ!ل جادێ، دادگه‌هێ، لپه‌رله‌مانی ژ بلی ئه‌ركێ پاراستنێ و چاڤدانێ.
ژ سالا 1991 تا سالا 2015ێ ئێك به‌رپرس ژی نه‌هاتیه به‌ر پسیاركرن د ده‌مێ به‌رپسیاره‌تییا وی دا!. هه‌مییان دروست یا كار كری و هه‌میان چ كێماسی دكارێ خوه‌دا نه‌كریه ژبه‌ر هندێ ئێك به‌رپرس ژی گازی دادگه‌هێ و لیژنا نه‌زاهێ نه‌كرییه! بۆ؟ دماوێ 24 سالادا ژیانا ئه‌ڤرۆ و سالا 1991ێ چ جێوازی هه‌نه؟ ژبلی هوتێلا شه‌ش هه‌ڤت ستێر ئه‌ڤا به‌ری چه‌ند رۆژا ڤه‌كری لسه‌ر گیفكه‌كێ گلێشی و ستادیوما زاخو به‌ری چه‌ند رۆژا! هه‌روه‌سا ئه‌و تونه‌لا نیڤ ته‌مام؟
750 (ژن ئانكو مرۆڤ) سالانه دهێنه كوشتن!!!.
3750 (مرۆڤ) دهێنه كوشتن و دبنه نیڤه مرۆڤ لسه‌ر جادێ ترافیكێ!!!.
276 (مرۆڤ) خوه دكوژن و دسوژن و دخه‌ندقن د گه‌رادا.
2500 شه‌هید بوون ئه‌ڤ ساله.
ب هزاران گه‌نج و خێزان یێ دره‌ڤن ژبه‌ر نه‌دانا پرسێن وان! د ئاڤ و ده‌رییادا دخه‌ندقن، به‌رپرسه‌ك ناهێته به‌رپسیاردان بووچی؟
لێ ل وه‌لاتێن جیهانێ ئه‌گه‌ر (1) مرۆڤ ژی گیانێ خوه ژ ده‌ست بده‌ت وه‌زیر و به‌رپرسێن وان لسه‌ر كورسیكا خوه ب شه‌رمزاری ڕادبیت و داخازا لێبورینێ دكه‌ت كو ئه‌و بكێرناهێت و نه‌ڤێت ببیته گونه‌هبار. رۆحا مه یا بێ قیمه‌ته و مرۆڤان چ بهایێ خوه نینه ل كوردستانێ. بوچی به‌رپرسێن مه ناچنه شه‌ڕی؟؟؟ یان بچن ته‌رمێن گه‌نجێن خوه ژ به‌ر لێڤێن ده‌رییا بینه‌ڤه؟؟؟. مانه نوكه شه‌ڕێ مان و نه‌مانێ یه؟ هنده‌كا وێنه گرتن كو ئه‌ڤه ئه‌مین ل چه‌په‌ران! و نوكه یێ لمال!! بۆچی سه‌رۆك دچیته سینگێ چه‌په‌را و به‌رپرسێت مه تنێ ده‌ستا د قوتن؟ نوكه دێ چ ل وان پارا كه‌ن؟ دێ چه‌وا مونیكایێ هاژووی ل به‌ر سرا پانزینی؟ د 24 سالا دا به‌رپسیاره‌تییا كاهره‌بێ هه‌ر وه‌كی سالا 1992 یه!
كێماسییا ئاڤێ هه‌ر وه‌كی خوه‌یه و سالا 1992! پتر ره‌مل ژ حه‌نه‌فیێ دهێته خوار!.
كێماسیێن قوتابخانا یێن بوینه چیایه‌كێ ئارێشان، هه‌تا 10 جورێن قوتابخانانێن بیانی یێن هاتینه دناڤ مه‌دا مێشكێ زارۆكێن مه وه‌كی خوه دگوهوورن! نه به‌لاش به‌لكو ب پاره و ئه‌م سوپاسدار.
كه‌رتێ ته‌ندروستی بۆ به‌شه‌ك ژ بازرگانییه‌كا بێ دلوڤانی.
هزار و ئێك له‌عنه‌ت ل سالێن به‌ری 1991 بن و ل سالێن رێژێما به‌عس بن!
مه چاڤ ل پاشه‌رۆژه‌گا گه‌ش بوو له‌وما مه سینگێ خوه دا به‌ر تڤه‌نگێت ئه‌منا دهوكێ! هزار و دوو له‌عنه‌ت ل وان ئه‌من و ره‌فیقا بن ئه‌ڤێن به‌رده‌وامی لسه‌ر كارێ خوه كری تا رۆژا مه‌یا ئه‌ڤرۆ ژبه‌ر هندێ ئه‌م دپیسین و دبرسینه و دبێ ئاقلین و نه‌زان و گوهدرێژین و په‌نابه‌رین.
25% خه‌لكێ وه‌لاتی بوونه عه‌ره‌ب، 10% بوونه حه‌شد الشه‌عبی، 35% بوونه بن قونكێت ئیرانێ و ئوپوزسیون، 2% بووینه داعش ته دڤێت چلێ بهێت؟ كا به‌رپسیاره‌تی یا ڤێ كاره‌ساتێ؟
پێكڤه ژیان یا هوسایه و ئه‌ڤه ئه‌نجامێن به‌رپسیاره‌تیێ یه !.
ل مه پیرۆز بیت 25% پێكڤه‌ژیان گه‌ل برایێن خوه یێن عه‌ره‌ب، ئه‌و هه‌تا 20 سالێن دی دێ بنه 50% ژخه‌لكێ وه‌لاتی دێ بنه خزم و بیك و دشێن مه.
ژبه‌ر هندێ ته‌رمێن مه یێن لبه‌ر ئاڤان ل قوبرس و یونانێ به‌رپرسێن ملله‌تێ كورد.
