به‌رچاڤكێن سامسۆنگێ دێ ب زیره‌كیا چێکری كار كه‌ن
تەکنۆلۆژیا:
ماوه‌یه‌كه كۆمپانیا سامسۆنگ ل سه‌ر پرۆژه‌كی كار دكه‌ت ب ناڤێ Moohan XR، به‌لێ وه‌كو دیار كۆمپانیا كوری هیڤیێن زێده‌تر یێن هه‌ین ژ پرۆژه‌كێ وه‌كو وی ب تنێ ژ به‌ر هندێ ژی هه‌موو بۆچوون بۆ وێ چه‌ندێ دچن كو به‌ری ئه‌ڤ ساله ب دووماهی بهێت كۆمپانیا ناڤبری دێ به‌رچاڤكێن ئه‌لكترۆنی ئێخیته بازاری.
ئه‌ڤ پاشكویێ نوو ب HAEAN هاتیه ب ناڤكرن و نها د قووناغێن دووماهیێ یێن گه‌شه‌پێدانێ دایه، ئامیر و كارێن وی د ناڤ وی ب خوه دا هاتینه ده‌ست نیشانكرن ب ره‌نگه‌كێ خودكار. دشیان دایه ئه‌ڤی ئامیری ل به‌ر بكه‌ن هه‌ر وه‌كو مۆبایلێن زیره‌ك. هنده‌ك تایبه‌تمه‌ندیێن تایبه‌ت ب خوه ژی ڤه هه‌نه كو ژ یێن دی دهێته جوداكرن ژ وان ژی دبیت كامیره و ئامرازێ هه‌ستكرنێ پێكڤه گرێده‌ت و ب زیره‌كیا ده‌ستكرد كار دكه‌ت.
هه‌تا نها ب ته‌مامی هاردوێر نه‌هاتیه ئاشكه‌را كرن، به‌لێ ده‌نگو بۆ وێ چه‌ندێ دچن ئه‌ڤ به‌رچاڤكێن زیره‌ك ب كامیرا 12 مێگا پێكسل بن ل سه‌ر هه‌ستكرنێ Sony IMX681 CMOS و دێ گه‌له‌ك تایبه‌تمه‌ندیێن پێشكه‌فتی هه‌بن وه‌كو خواندنا كودی و به‌رسڤدانا ب له‌ز و نیاسینا ئیما و هه‌تا هه‌لبژارتنێن نیاسینا سه‌روچاڤا. ل گه‌ل وێ چه‌ندێ ژی، دبیت ئه‌ڤ ئامیره 150 گرام بیت، ب ڤی ره‌نگی ژی دێ یێ سڤك بیت و خوه‌ش بیت بۆ بكارئینانا رۆژانه و ئه‌ڤه ژی یا گرنگه بۆ بكارئینانه‌كا ب سلامه‌ت.
ژ لایێ ئه‌ندازیاریا بیناسازی یا ژ ناڤ دا، وه‌سان دیاره كو سامسۆنگ ل سه‌ر هێلا ئه‌پل دچیت، دیزاینه‌كا دو تایی یا هه‌یی. چاره‌سه‌ركارێ سه‌ره‌كی ژی دێ یێ پێكهاتی بیت ژ Snapdragon AR1 ژ كوالكومان، چاره‌سه‌ركارێ دویێ ژی دێ ئه‌و بیت یێ ژ لایێ NXP ڤه هاتیه دروستكرن ئه‌ڤه ژی دێ كاره‌كێ كارا یێ باش ئه‌نجام ده‌ت بۆ كاران ئه‌وێن چاره‌سه‌ركارێن ب له‌ز ژێ داخواز دكه‌ن بێ راوه‌ستیان.
ژ به‌رچاڤترین تشتێ ڤان به‌رچاڤكان ئه‌وه كو ب زیره‌كیا ده‌ستكرد كار دكه‌ن. ب گۆره‌یی داتایێن ل به‌ر ده‌ست، سامسۆنگ دێ پشت به‌ستنێ ل سه‌ر Gemini كه‌ت هاریكارێ گۆگلی، بۆ ب هێزخستنا شیانێت ئامیری. ئه‌ڤه ژی نه ستراتیژیه‌كا نوویه د بازاری دا، كۆمپانیا مێتا سه‌ركه‌فتنه‌كا به‌رچاڤ د ڤی واری دا ب رێیا به‌رچاڤكێن خوه یێن Ray-Ban Meta AI ب ده‌ست ڤه ئینایه. ئه‌وێن ژ لایێ خوه ڤه ب زیره‌كیا ده‌ستكرد كار دكه‌ت. ل گه‌ل هندێ ژی وه‌سان دیاره دێ سامسۆنگ ئه‌ڤێ ئه‌زموونێ به‌ر ب ئاسته‌كێ بلندتر به‌ت.
زیره‌كیا ده‌ستكرد دێ كار ل سه‌ر باشتركرنا ئامیری كه‌ت، دێ ده‌رگه‌هی ژی ل هه‌مبه‌ر تایبه‌تمه‌ندیێن زێده‌تر ڤه‌كه‌ت وه‌كو وه‌رگێران د ده‌مێ دروست دا، ڤه‌گوهاستن و هاریكاری، ده‌ستنیشانكرنا ئه‌زموونا بكارئینه‌ری. د جیهانه‌كا زیره‌كا ده‌ستكرد ب له‌ز جهێ خوه دكه‌ت دا، دیاره ئه‌ڤ پێنگاڤا سامسۆنگ دێ ب له‌ز بۆچوونا پشته‌ڤانا بۆ لایێ خوه ڤه‌كێشیت.
ب گۆره‌یی هنده‌ك ژێده‌ران ژی كۆمپانیا سامسۆنگ دێ نێزیكی نیڤ ملیۆن دانان ژ ڤان به‌رچاڤكان ل ده‌ستپێكێ به‌رچاڤ كه‌ت و دهێته چاڤه‌رێكرن ژی بكه‌ڤیته روودانا Unpacked یا سالانه یا كۆمپانیا كوری كو ل هه‌یڤا ئێك دهێته ئه‌نجام دان.
