به‌ریكانه‌كا هاژۆتنا به‌له‌مان دناڤ سیلاڤان دا هاته‌ ئه‌نجامدان

به‌ریكانه‌كا هاژۆتنا به‌له‌مان دناڤ سیلاڤان دا هاته‌ ئه‌نجامدان

35

بارزان، نه‌وزادهلۆری:

ب مه‌ره‌ما پێئخستنا كه‌رتێ‌ گه‌شتوگۆزاری، به‌ریكانه‌كا هاژوتنا به‌له‌مان دناڤ سیلاڤان دا ل رووبارێ‌ زرارا ل ده‌ڤه‌را بارزان هاته‌ئه‌نجام دان كو تێدا هه‌شت كچ و ده‌ه كوڕ د پشكداربوون.

ئه‌نوه‌ر دۆله‌مه‌ری ، سه‌رۆكێ‌ سه‌نته‌رێ‌ بارزان بۆچیاڤانی و ژینگه‌پارێزی بۆ رۆژناما ئه‌ڤرۆ گۆت:مه‌ره‌ما پێشخستنا كه‌رتێ‌ گه‌شتوگۆزاری و نیشادانا سرۆشتێ‌ كوردستانێ‌ و په‌روه‌ده‌كرنا كچ وكوڕان ل سه‌ر مه‌له‌ڤانی وبه‌ریكانێن دناڤ روبار و ئاڤان دا، مه‌ وه‌كو سه‌نته‌رێ‌ بارزان بۆچیاڤانی و ژینگه‌پارێزی به‌ریكانه‌كا هاژۆتنان به‌له‌مان دناڤ سیلاڤێن زه‌حمه‌ت دناڤ رووباران دا ل رووبارێ‌ زرارا ل ده‌ڤه‌را بارزان ئه‌نجام دا كو ئێكه‌ ژسه‌خترین رووباران ل كوردستانی َوچه‌ندین سیلاڤێن ب مه‌ترسی تێدا هه‌نه‌.

دبه‌ریكانێ‌ دا هه‌شت كچ وده‌ه كوڕ د پشكداربوون و ب درێژاهیا چار كیلۆمه‌تران ب سه‌ركه‌فتیانه‌ ب رێڤه‌چوو كوئه‌ڤ چه‌نده‌ ژی جهێ‌ دلخۆشی و ده‌ست خۆشیێ‌ یه‌ ل كوردستانێ‌ تشته‌كێ‌ هوسا بهێته‌ ئه‌نجامدان.

کۆمێنتا تە