به‌ری مۆبایله‌كا كه‌ڤن ب كری ڤان پێزانینان بزانه
ئه‌ڤرۆ:
پاتریێن لیسیۆم ئه‌یون ژیه‌كێ ده‌ستنیشانكری یێ هه‌یی، ب هژمارا خولێن زڤرینا بارگێ دهێنه نیاسین ئه‌وێن زێده‌تر د ناڤبه‌را 300 بۆ 500 خولان دا. ل گه‌ل بكارئینانا مۆبایلێ ب ره‌نگه‌كێ به‌رده‌وام به‌ر ب كێمبوونێ ڤه دچیت، ژ به‌ر هندێ پێدڤیه بزانی كا چه‌ند خولێن پاتریێ چووینه به‌ری بكری یان ژی هه‌كه ئێكا نوو بكری، كا د بنیات دا چه‌ند خول هه‌نه.
نه سامسونگ و نه‌ژی چو كۆمپانیێن دی چو جهێن تایبه‌ت نینن كو ئه‌ڤ پێزانینه تێدا بن، ژ به‌ر هندێ ژی دشیان دایه پشت به‌ستنێ ل سه‌ر ئه‌پێ بێ به‌رامبه‌ر Phone INFO بكه‌ین كو هه‌موو پێزانینێن بچووك و یێن مه‌زن ل سه‌ر مۆبایلێ بۆ مه به‌رچاڤ دكه‌ت وه‌كو سالا چێكرنێ و وه‌لاتێ چێكری و ژمارا رێزبه‌ندا وێ و گه‌له‌ك تشتێن دی.
ئه‌ڤی ئه‌پلیكه‌یشنی دانلۆد بكه و پاشان ژی بده كاری و چو ل سه‌ر ته پێدڤی ناكه‌ت ب تنێ دێ چیه پشكا”General” و دێ كه‌یه “Personal” دا كو هه‌موو پێزانینێن گرێدایی مۆبایلا ته بۆ ته دیار بكه‌ن بگره ژ هژمارا جارێن هاتیه بارگه‌كرن و كا چه‌ند جاران قه‌له‌م هاتیه ده‌ر هه‌كه تێدا بیت و چه‌ند جاران هێدفون خستینه سه‌ر و چه‌ند خولێن بارگێ هاتینه بكارئینان.
بۆ نمۆنه ته مۆبایه‌ك كری و 635 خولێن بارگه‌كرنێ ده‌رباز كربوون ل وی ده‌می رێسا دبێژیت ئه‌و پاتریه‌كا ژكار كه‌فتیه و دڤێت بهێته گوهۆڕین ژ به‌ر كو یا ژ 500 خولان بوری.
ئه‌ڤ ئه‌پلیكه‌یشنه پێدڤیه ده‌ستووریا (رووت)ی یه دا پێزانینێن وه‌كو چه‌ند جاران هاتیه بارگه‌كرن و چه‌ند جاران قه‌له‌م ده‌رخستیه و چه‌ند جاران هێدفون خستیێ دیار بكه‌ن.
