به‌ر ب بیره‌وه‌یا 74ـه‌مین سالرۆژا دامه‌زراندنا پارتی دیمۆكراتی كوردستان
ماجد چه‌لكی
74 سال ژ خه‌بات و قوربانیدانێ و هه‌لگرتنا درووشمێن كه‌توارانه و گونجای ل گه‌ل هه‌ر سه‌رده‌مه‌كی و ل گه‌ل هه‌ر درووشمه‌كی پارتێ، ب فه‌ر و پێدڤی زانی یه خه‌باتێ بك ژبۆ عیراقه‌كا دیمۆكراتی ئه‌و چارچووڤێ پارتی خه‌باتێ تێدا دكه‌ت بۆ بده‌ستڤه‌ئینانا مافێن خوه یێن راست و دروست، له‌وما ل ده‌ستپێكا پارتی و حه‌تا ئه‌ڤرۆ ب ڤان قووناغان ل ژێر ڤان درووشمان خه‌بات كریه:
1ـ ل دامه‌زراندنا پارتی ل 16 گه‌باخا 1946 و حه‌تا سالا 1970 ل ژێر درووشمێ دیمۆكراسیه‌ت بۆ عیراقێ و ئۆتۆنۆمی بۆ كوردستانێ، خه‌بات كریه و هه‌ر ب ڤی درووشمی چوویه د ناڤ دانوستاندێن ل گه‌ل رژێما به‌عس و هه‌تا گه‌هشتین رێكه‌فتنا مێژووی یا 11 ئادارا 1970 كو تێدا بۆ جارا ئێكێ جار حوكمه‌تا عیراقێ نه‌چاركری دانپێدانێ ب مافێن مه یێن نه‌ته‌وه‌ی بده‌ت.
2ـ پشتی چار سالێن دانوستاندنێ ل گه‌ل رژێما به‌عس كو پارتی ده‌ستبه‌رداری مافێن نه‌ته‌وه‌ی جوگرافی نه‌بووی، رژێما به‌عس ئه‌لته‌رناتیڤه‌ك بۆ پرۆژێ پارتی یێ ئۆتۆنۆمی دانایی و بوویه ده‌رئه‌نجامێ هه‌لگیرسانا شه‌ڕه‌كێ سه‌رتاسه‌ری ل دژی ملله‌تێ كوردستانێ پارتی ب درووشمێ دیمۆكراسیه‌ت بۆ عیراقێ و ئۆتۆنۆمیا راسته‌قینه بۆ كوردستانێ، ده‌ست دایه خه‌باتێ و حه‌تا سه‌رهلدانا پیرۆزا بهارا 1991.
3ـ پشتی سه‌رهلدانا پیرۆز و شكه‌ستنا سۆپایێ رژێما به‌عس ل شه‌ڕێ كوڕێ و نه‌چاركرن داخوازا دانوستاندنان بكه‌ن و بریارا 688 یا جڤاتا ئێمناهیا نێڤده‌وله‌تی ب پێشنیارا فره‌نسا، و پاشی هه‌لبژارتنێن په‌رله‌مانێ كوردستانێ ل 19 گولانا 1992 و دامه‌زراندنا حوكمه‌تا هه‌رێما كوردستانێ ل 1992/7/4 و چوونا د قووناغه‌كا پێشكه‌فتیتر پارتی دیمۆكراتی كوردستان ب درووشمێ دیمۆكراسیه‌ت بۆ عیراقێ و فیدرالی بۆ كوردستانێ به‌رده‌وامی دا خه‌باتێ.
4 ـ پشتی روخیانا رژێما به‌عس ل 9/4/2003 ب هه‌مان درووشم پشكداری روخاندنا رژێمێ و دیمۆكراسیكرنا عیراقێ بیه حه‌تا كۆنگرێ سێزدێ ل كانوونا2010، ب درووشمێ دیمۆكراسیه‌ت بۆ عیراقێ و مافێ چاره‌نڤیس بۆ كوردستانێ ل دووڤ قانوونێن نێڤده‌وله‌تی ب دیاركرنا مافێن ملله‌تێن بنده‌ست و ل سه‌ر ڤان پره‌نسیپان و ل رۆژا 25/9/2017 و ل راپرسینه‌كا ئازاد و دیمۆكراسیانه دا ملله‌تێ كوردستانێ ب رێژا 93% ده‌نگ بۆ سه‌رخوه‌بوونێ دا، دا كو بۆ جیهانێ خۆیا ببیت ئه‌ڤه خواستا ملله‌تێ مه‌یه و ب رێیێن دیالۆگ و ئاشتیانه بهێته بجهئینان، به‌لێ ده‌رئه‌نجامێ خیانه‌تا 16 ئۆكتۆبه‌رێ، ئه‌ڤ پرۆسه هاته راوه‌ستاندن و هێرشه‌كا به‌رفره‌ه بۆ سه‌ر كوردستانێ هاته‌كرن، لێ شێرێن پارتی ب توندێ به‌رسڤ لێ دا و ئه‌و هێرشه یا پردێ و سحێلا و تێكشكاند و بوویه ئێك ژ مه‌زنترین داستان و به‌ره‌ڤانیكرن ژ ده‌ستكه‌فتێن ملله‌تێ كوردستانێ و مانا قه‌وارێ سیاسیێ هه‌رێما كوردستانێ.
5ـ پارتی دێ به‌رده‌وام بت ل خه‌باتا خوه تا ملله‌تێ كوردستانێ بگه‌هیت مافێن خوه و ب درووشمێ دیمۆكراسیه‌ت بۆ عیراقێ و كۆنفدرالی بۆ كوردستانێ و وه‌ك دو ده‌وله‌تێن ئێكگرتی و دیمۆكراتی پرۆسه بكه‌ت و ببت ده‌ستكه‌فته‌ك هه‌ژى وێ قوربانیدانا ملله‌تێ دایی.
* كارگێرێ لقا 7 ل ئه‌مریكا و كه‌نه‌دا
