بهغدا پایتهختێ مرنێ!
رهمهزان نسردین كێڤلى
بهغدا وهكو باژێر ل چهندێن قووناغان دا دهرباز بوویه, د دهمێ خوه دا، ناڤهندا زانستى بوویه و گهشهیا زانستى و رهوشهنبیرى بۆ جیهانێ ژ بهغدا دهستپێكریه، لێ دیسا ل سهردهمێ خیلافهتێن ئیسلامى یا هاڤى نهبوویه ژ ناكۆكیێن مهزهبى و بنهمالهیێ و ههمى ژى پێناڤ دهستههلاتێ بوویه، ل سهد سالێن بۆرى ژى كو مێژوویا نوو یا عیراقێ ب گشتى بهغدا ناڤهندا بریارێ بوویه، بهلێ ج جاران عیراقیان ب خوهسهریا خوه نهشیایه بهغدا برێڤهببن چ سهردهمێ دانا مهلكهكێ بۆ عیراقێ داگیركهرێن بریتانى ل گۆر بهرژوهندیێن خوه كهسهك ژ دهرڤهیێ عیراقێ ئیناینه كو نێزیكى ههردو تائیفێن سونى و شیعى و كرینه مهلك و ل قووناغێن دووڤدا ژى ناكۆكى بهردهوام بووینه و هندهك حوكمهت ههبووینه تنێ 17 حهڤده رۆژان دهستههلات وهرگرتینه و پاشى هاتینه ههلوهشاندن ب دیتنا دامهزراندنا عیراقێ وهكو وهلاتهكێ سهربهخوه ب ڤى رهنگێ نوكه دایك بوونهكا نهدورست بوو و دهستكارى ل سنۆر و زۆرى هاتیه كرن ل مللهتێن عیراقێ، لهورا ههتا نوكه چو كێشهیهكا عیراقێ چارهسهرنهبوویه. ل ههر سهردهمهكێ جۆرهكێ دهستههلاتا توندرهو دهستههلاتدارى ل بهغدا كریه و چو دهستههلاتهكێ وانه و عیبرهت ژ دهستههلاتدارێن بهرى خوه وهرنهگرتینه.
گومان تێدا نینه ئهوا ئهڤرۆ ل بهغدا پایتهختێ مرنێ دهێته دیتن ژ كوشتن و هلاویستنا مرۆڤان یانژى ژناڤبرنا چالاكڤان و كهسانێن رهوشهنبیرى و ئهكادیمیناس بهرههمێ پاشخانهكا مێژویێ یه، كو سهرچاوێ وێ ناكۆكێن ب درێژههیا چهندین سالان بووینه د ناڤبهرا سونه و شیعهیان دا، یانژى پێكهاتێن دى ل عیراقێ. ئهوێن شههرهزا دزانن كو كارهكێ دورنده ژ نیشكهكێ ڤه ناهیته ئهنجامدان بهلكو توندرهوى بوویه كهلتوورهك خهلكێ عیراقێ تووش بوویه. ل بیرا مه ههمیانه دهمێ ل گۆرپانێن گهلهك باژێرێن عیراقێ مرۆڤ دهاتنه سهربرین و خهلكهك ههبوویه شریناهى دابهشدكرن و ئهو كوشتن و دورندههیا دهاته كرن سهرئهنجامێ ناكۆكیێن مێژوویێ بووینه.
ئهڤرۆ شێوازێ ناكۆیێن ئاینێ هاتینه گوهۆرین هژمارهكا سیاسهتمهدارێن داكهفتى ئهڤان ناكۆكیان پهیرهودكن ل بن عهبایێ مهرجعیهت و وهقف و كاریگهریێن وهلاتێن ههرێمایهتى ئهم دشێن بێژن چ وهلات نهماینه ب ناڤێ عیراقێ ئهڤ گۆتنا مه ههكه ئهم ههلسهنگاندنهكێ بكهن ل سهر چار تێگههان، دێ بۆمه دیار بیت كو ئهو گۆتنا مهگۆتى راسته ژ وان (انتماو, ولاو, التزام, المسۆلیه) ئهڤ چار تێگههه ههكه ئهم ل سهر سیاسی و خهلكێ عیراقێ جێ بهجێ بكهین، دێ ئهنجام بۆ مه رۆن و ئاشكهرابن.
ژیبوونا (انتماو) پتریا سیاسیێن عیراقێ بۆ وهلاتهكێ ههڤسویێ یه چ ئهو وهلات ئیران بیت یانژى سعوودیه یان وهلاتهكێ دى و وهلائا وانژى ب ههمان شێوه بۆ مهرجهعێن دینى یه و چ گرێدانا وان ی دستوور و قانوونێن وهلاتى نینه و پێگێریا وانژى ب راسپارد و فهرمانێن خودان بهرژوهندانه ل دهرڤهیێ عیراقێ و چو كهسهك ژ وان بهرپرسیار نینه بهرامبهرى ئاخ و گهلێ عیراقێ، بهلكو بهرپرسیارن بۆ سهیدێن خوه ل دهرڤهیێ عیراقێ. لهورا ژبلى ناسناڤێ مرنێ ئهم نهشێن چ ناسناڤێن دى بۆ بهغدا ببین سهر ئهنجامێ ڤێ گۆتارێ، من دڤێت پهیامهكێ بدهمه سیاسێن كورد كو خوه بهرههڤ بكهن بۆ ههر گوهۆرینهكێ ناكۆكى و بهرژوهندیێن خوه یێن حزبى بدهن ئالهكێ چارهنڤێسێ مللهتهكێ ل دهستێ ههوه دایه، گهر هوون ڤێ ئهزمۆنێ نهپارێزن مێژوو رهحمێ ب ههوه نابهت.