به‌غدا: گرۆپێن ژده‌رڤه‌ی قانوونی هێرشا موشه‌كی ئه‌نجامدایه
شانا راگه‌هاندنا ئه‌منی ل ئیراقێ راگه‌هاند، گرۆپێن ژ درڤه‌ی قانوونێ ب سێ مووشه‌كێن كاتیۆشا هێرش كریه سه‌ر قه‌زا خه‌بات ل پارێزگه‌ها هه‌ولێرێ، هه‌تا نوكه ژی هیچ گرۆپ و ئالیه‌كی به‌رپرسیاره‌تیا خوه ل سه‌ر ئه‌نجامدانا هێرشێ به‌لاڤ نه‌كریه‌ـ ئه‌و مووشه‌ك ژ سنوورێ باژێرێ حه‌مه‌دانیه و ئه‌و گوندێن كوردێن شه‌به‌ك تێدا د ئاكنجی ل مووسل ب دووریا 35 كیلۆمه‌تران ئاراسته‌ی سنوورێ قه‌زا خه‌بات هاتبوونه كرن كو ئه‌و ده‌ڤه‌را هێرش ژێ هاتیه ئه‌نجامدان ل بن ده‌ستهه‌لاتا لیوا 30 یا حه‌شدا شه‌عبی دانه. هه‌ر ژده‌ستپێكا سالا 2020 و ژ ده‌مێ كوشتنا قاسم سلێمانی و ئه‌بو مه‌هدی موهه‌ندس ل فرۆكخانا به‌غدا ژئالیێ ئه‌مریكا ڤه، زێده‌تره ژ 10 جاران ژ ناڤخوه‌یا ئیراقێ و ژ ئیرانێ ژی ب رێیا مووشه‌ك و فرۆكێن درۆن هێرش ل سه‌ر هه‌ولێرێ و ده‌وروبه‌رێن وێ دهێته كرن كو دو ژ وان هێرشا ژ ده‌شتا نه‌ینه‌وا هاتبوونه ئه‌نجامدان.
